2008年7月10日星期四

蟹仔大收穫

今日放工約左大肥豬去旺角行街街,我地個目的地當然又係金魚街啦!哈哈~~

其實今次原本個目的係大肥豬想買個魚缸養金魚,不過我地行左好耐都睇唔合心水,所以最後都冇買到。遲少少啦....大肥豬話一定會買整野養金魚。

大肥豬雖然買唔到野,不過我就有好大收穫。

睇吓我D收穫幾豐富~~

除左原先我計劃買嘅沙之外,我仲買左好多野,有寄居蟹專食嘅爆谷,仲有兩個靚靚殼。

一個只係五蚊嘅普通殼,另一個又係D特別公仔殼。不過睇番好似大左少少,真係驚唔啱佢地用添!

最大收穫就係買左一個18吋嘅缸,講起係個缸都有段古仔。

原本我都冇打算買缸,因為都好怕自己係三分鐘熱度,唔想買太多野。不過大肥豬就話既然唔買魚缸養魚,就買個好少少嘅缸,等蟹仔住得舒服D。依個缸仲係大肥豬送俾我呀...哈哈~~

返到屋企真係乜都唔做,第一時間就去整個蟹仔缸。

好在有大肥豬幫手(因為個缸都真係幾重呀!),好快就可以幫佢地細屋搬大屋,大肥豬話佢地搬左入豪宅呀!

哈哈~~~不過依個豪宅好似空左少少,等我有時間就買埋間屋仔同多幾棵樹仔,等蟹仔多D野玩先得!

沒有留言:

發佈留言