2008年7月17日星期四

三個靚太約會

今日又去左同BLOG友仔食飯,進行我地個靚太聚會啦!出席嘅靚太有:已為鄭靚太嘅蚊蚊,同埋P太AHWIN。

其實由我地係未婚嘅聚會已經約好左,等大家BIG DAY完晒之後,就約出嚟大食日本野(因為嗰時大家都為結婚要KEEP FIT)。不過婚後大家都一直忙忙地,所以約唔到,等到今日先進行我地個靚太飯局呀!

今日我地去左蚊蚊介紹嘅旺角瀧潭食日式放題,嗰度D野都幾好味,D三文魚又好新鮮,種類都算多....我地都叫左好多野食呀....大家食到飽飽咁離開。

我地三個靚太邊食邊傾,講吓大家嘅婚後生活咁啦!講講吓...原來大家嘅另一半都有D相似嘅地方,都真係幾好笑。之後大家乜都講吓...總之就細聲講大聲笑咁,都真係好開心呀!

隨住個放題食個半鐘,我地今日個靚太飯局就結束啦~~

當我上到小巴先醒起又唔記得同佢地影相添,可能我地傾得太投入唔記得左啦!

不過唔緊要,下次我地再去玩過,到時再影番夠本。哈哈~~

沒有留言:

發佈留言