2008年8月25日星期一

今個生日好開心PART 2

離開左學校之後,就去商場匯合小豬媽TEA一TEA啦!(其實係想係今日依個重要日子見吓小豬媽,因為N年前嘅今日,就係佢辛苦生我嘅日子嘛!)

我地如常去飲珍珠奶茶,如常傾計......點知,當我係手袋搵野嘅時候,小豬媽突然係佢手袋拎左盒嘢出嚟,係送俾我嘅生日禮物!

我當然係好驚喜,因為真係冇諗過小豬媽會送禮物俾我(因為之前幾年都係俾利是我嘛),一打開....真係嚇左一跳,原來係一對耳環呀!

粒石仔真係又大又閃,好靚呀~

當然即刻換左佢,真係好FIT我對耳仔(因為我耳珠比較大),唔大唔細,個SIZE剛剛好。

小豬媽仲好驚我唔鐘意個款,但我真係好鐘意呀~~~

不過對耳環應該都唔平,所以都真係.......唔知點講啦,總之真係好多謝小豬媽啦!

沒有留言:

發佈留言