2009年3月31日星期二

真正一家團聚

特別版粉紅米妮終於都正式加入埋我個D女王國,依隻真係最後一隻嚟啦,所以今次真係真真正正嘅一家團聚,開心指數真係爆..爆..爆燈呀!

其實我一向對依個特別版米妮都唔存有希望,都已經打定輸數會搵唔到時。不過依個DOLLCENA係大肥豬幫我係日本搵到, 所以話今次真係要俾十個叻佢啦!哈哈~~

連同之前特別版米奇,佢地兩個盒併埋,會成為一個心心呀..好SWEET呀!

由於特別版關係,都唔捨得拆盒拎佢地出嚟玩。不過諗諗吓,既然佢地係咁珍貴,我仲更加冇理由困住佢地,要多啲帶佢地出街玩影靚相先啱嘛,所以都係拆佢地出嚟玩啦~

 

終於都整晒成個系列嘅29隻D女,睇見佢地齊齊整整咁企係個飾物櫃入面,個感覺真係勁開心..勁開心…唔識形容。

我一定會好好珍惜同對待佢地,因為每一隻我地都花左好多心機、時間去搵,最緊要當然係多啲帶佢地出去影靚相呀!

2009年3月29日星期日

D女又有新裝

前排因為心思思想買隻大B玩,所以成日都上YAHOO拍賣網睇,睇吓有冇平平地嘅B女買個番嚟玩。

當然都係得個睇字,又點會有好平好平嘅B女俾我玩呀!不過就係我睇拍賣網嘅時候,俾我發現到啲好嘢,就係有細細件嘅衫仔賣,都會啱DOLLCENA著呀!

我見靚得嚟又唔係太貴,所以就BID左幾件,買嚟玩吓,終於係星期六收到一共三套唔款式嘅靚靚裙仔啦~

第一件就係普通黑仔短裙仔,雖然好似簡單左啲,不過都好靚呀~

第二件就係紅黑色晚裝,嘩..好高貴,仲好有中國味道添~

最後一件就係一套白色婚紗,仲有埋頭飾添,真係整到好似我地著嘅婚紗晚裝咁,仲有個小拖尾,真係好似進行緊婚禮咁呀!哈哈~~

當我睇賣家幅圖時都覺得好靚,依家睇埋個現貨再加埋著左上DOLLCANE身上,就覺得仲靚。咁細件一定好難整,我自己就一定冇依個心機幫D女整衫仔,所以都係睇啱買番嚟就算啦!

依家有婚紗又有晚裝,真係要搵日帶D女們去影番輯婚紗相先得!呵呵呵~~

2009年3月28日星期六

迪迪尼靚太HIGH TEA

今日我又約左班靚太們一齊去玩啦!今次我就同小M、BB YEE、ALICE仲有第一次見面嘅CARCAR一齊去迪迪尼酒店,變身為闊太去嘆HIGH TEA呀!

今次我仲係第一次去嘆HIGH TEA(真係大鄉理啦~),所以都幾期待,加上入迪迪尼哦,我當然係勁開心呀!哈哈~~

我地住低冇耐,就開始起哄啦!原因就係我、ALICE、小M分別都帶左D女、B女同SONY貓入去影相,所以大家就幫我地嘅模特兒影靚相啦~

玩左一陣,我地個HIGH TEA開始啦!件件CAKE都好精緻呀~

話明HIGH TEA,又點少得杯茶呢~

成個環境加埋啲食物,真係好有闊太FEEL呀!哈哈~

我地邊食邊傾,都真係好開心。當然除左傾計之外,我地都一齊影靚相啦~

我地離開左餐廳之後,當然冇咁快走啦,再去迪迪尼酒店個花園繼續影靚相呀~

我地當然又拎左啲模特兒仔一齊影~

我個D女又點會咁少相,大家有興趣就可以去D女都HIGH TEA睇吓啦!哈哈~

今日我地又玩又食又影,真係好開心,好想快啲再約埋一齊再玩再影過呀!

我仲可以識到新朋友仔CARCAR添,佢仲送左份禮物俾我,攪到都唔好意思,不過都真係好開心同多謝佢嘅禮物呀!

2009年3月27日星期五

D女都HIGH TEA

知道會約左幾位靚太去迪迪尼HIGH TEA嘅時間,當然第一時間會諗:今天帶邊個DOLLCENA一齊去玩呢?

去迪迪尼依個開心嘅地方,當然諗到唔洗諗,就決定我帶嘅新寵BENNY一齊去啦!搵佢搵得咁辛苦,緊係要帶佢影多啲相啦,唔係浪費晒我嘅心血呀!

BENNY影相真係好靚,可能佢有把粉紅色頭髮啦,所以我都幫佢影左好多相呀~


影完室內,就轉戰室外~

哈哈....BENNY仲同B女仲有SONY貓影左好多合照,嚟個CROSSOVER添,大家可以去迪迪尼靚太HIGH TEA睇呀!

越嚟越鐘意帶DOLLCENA周圍影相,當你見到影得靚嘅時候,真係好有滿足感。

加上今次又同左幾位志同道合嘅朋友仔一齊影,仲覺得開心。我都係時候PLAN吓整番個DOLLCENA攝影團,一齊影囡囡呀!