2009年8月31日星期一

遲來的低能之道

31 AUGUST 2009 (MON)

之前成日聽BLOG友仔介紹馬仔嘅書,所以我都有留意低能之道系列,仲曾經係書局打過吓書釘睇。不過我都只係留意,仲未的起心肝買嚟睇。

終於都擁有第一本『低能之道系列』,係今年收嘅其中一份生日禮物嚟呀~

睇完依本之後,真係覺得好好笑,即刻心思思想買埋其他嚟睇。終於趁今日行街時見到,仲做緊八五折添,所以就即刻買多左兩本~

 

依家已擁經有三本啦~

哈哈...真係睇到成日都傻笑唔停,唔止我...就連大肥豬都睇到笑唔停呀!

我仲差『我的低能生存之道1&2』,等再見到其他地方有特價時就再買埋佢(真係師奶仔,都要等特價),咁就會齊晒,有排笑啦!

哈哈...依家先學人追番嚟睇,會唔會好OUT呢?

2009年8月30日星期日

史迪仔特別版

31 AUGUST 2009 (MON)

等左差唔多一個月,終於都等到今日可以去帶史迪仔番屋企啦!

今日一食完LUNCH就即刻行去OK換隻特別版,因為我實在太心急,好想唔道特別版係點樣,之後都完全冇介紹過,好似好神秘咁。

原來個一個小丑打扮嘅史迪仔~

拆開個袋睇仲靚,好COLOURFUL呀~

不過.....依隻比之前換隻小金大啲,所以唔可以放扣落手袋用呀!

真係要再一次多謝捐贈FUN俾我嘅朋友仔,冇佢地幫助我地換唔到呀....麻煩晒。

2009年8月29日星期六

MEGA BOX散散心

30 AUGUST 2009 (SUN)

本來今日有一個好好嘅節目,約左小M同小茵一齊去影相。但.....依幾日係我身邊都發左啲唔開心嘅事,攪到心情真係好差、好冇心機,所以被迫唔參與到依個活動,真係覺得唔好意思,好掃興呀!

大家可以放心,我個情緒正在康復中,雖然未完全開心番晒,但已經開始接受,明白有好多嘢唔係你想點就點。努力學習輕鬆面對!

原本今日都係打算留係屋企自閉,不過大肥豬話唔想我留係屋企冇嘢做就胡思亂想,所以就建議帶我出去行吓。

開頭我都唔係太想,不過見大肥豬又咁有心,加上又醒起CARMEN提過MEGA BOX依家啲史迪仔CUSHION一個印花就可以換,所以我地就去MEGA BOX換CUSHION啦!

換完CUSHION之後,見地下有個新嘅史迪仔佈置,所以大肥豬就叫我影番幾張~

係影緊相嘅時候,同一位BLOG友仔相認,佢仲好好人主動幫我同大肥豬影全日唯一的合照~

唔知依位BLOG友仔介唔介意留言話我知佢係邊個呢?(因為我真係仲未搵到佢呀~)

2009年8月26日星期三

尖東夜景慶生日

26 AUGUST 2009 (WED)

雖然係生日,不過都仍然要返工,冇法啦...我地係暑假尾係唔可以請假嘛。(幾時先可以生日唔洗返工...唉!)

我就冇得放假,不過大肥豬就專登請左半日假嚟接我放工帶我去玩,咁都開心返啦!哈哈...

係搭緊地鐵準備向目的地出發時,大肥豬就拎左份禮物出嚟,嘩.已經係第三份...依份就仲驚喜,就係噹噹手鈪~

大肥豬話知道我之前買嗰隻係俾人呃嘅假純銀手鈪,仲開始已經退退地色,所以就打算搵隻真純銀俾我。

依隻仲係獨一無二,因為一般成人純銀手鈪係唔會有噹噹,係大肥豬叫個職員拎去工場加兩個BB噹噹製成,佢話買嗰時仲俾個職員笑添!哈哈...真係冇諗過大肥豬會咁細心搵俾我,收到嗰時真係超級開心呀。

今次我地個目的地就係尖東,我地先去食個簡單嘅晚餐,就去做主要嘅慶祝活動...就係去試吓支『蔡頭』影靚相啦!

今次可以算係我地真真正正第一次影夜景(不過話事話..我都係第一次睇幻彩匯香江,真係勁OUT添~),原來影夜景係好難影,我地都係用腳架同自拍模式影,都可以話可以解決都手震問題。

不過大肥豬為左想影出嚟個效果好啲,就用左幾秒嘅曝光時候,所以每一張相都就要HOLD住個POSE幾秒,係依度比較辛苦。雖然係咁,不過影出嚟又真係幾靚,第一次影夜景都算合格啦,唔可以唔讚吓個大肥豬呀~

依兩張夜景我都好鐘意呀~

 

雖然今個生日好似過得簡單啲,不過我就過得非常開心,收到好多心思嘅禮物,又影左靚相,我都已經好滿足啦!

2009年8月25日星期二

驚喜生日鏡

26 AUGUST 2009 (WED)

終於到啦...等左成年...終於又到我生日嘅大日子,又大一歲,即係老一年啦!哈哈~

當踏正十二點時,大肥豬就急急腳走入廚房,之後就拎住個蛋糕又唱生日歌同我慶祝,真係勁開心呀!
(不過由於準備訓覺個LOOK實在太驚嚇,所以唔POST相上嚟啦!)

開心嘅時候當然唔可以停,就係依個時候,大肥豬就拎左份禮物出嚟送俾我。(其實佢之前都已經送左支28MM/F2.8嘅鏡頭俾我,所以都冇諗過會再有。)

一打開嚟睇...嘩..係支蔡司鏡頭呀(哈哈..又係鏡頭,又俾機會我去影靚相啦)~

係我地上次考慮買乜鏡頭時,都有考慮過依支,不過當時我地覺得好貴之餘,又好似個光圈唔太大,所以就唔考慮買。冇諗過大肥豬會靜靜地走去買嚟俾個咁大驚喜我。

佢話之前去試用過支鏡,覺得影出嚟好SHARP,加上又係蔡司鏡頭,好似勁啲咁,所以就買埋佢,等我地可以用嚟代替支KIT鏡影靚相。哈哈....真超級開心呀!

不過相信依支會係我地最後一鏡,因為啲鏡頭真係好貴,我都有啲肉赤.....所以唔再買啦,夠用就得啦!

2009年8月24日星期一

驚喜禮物

25 AUGUST 2009 (TUE)

今日係信箱,就見到依一個小包裹~

見到就個小包裹背後個名,就知道係我一位既時中學同學又係BLOG友仔嘅CARMEN寄俾我。

我好心急咁番到屋企即刻就打開嚟睇,原來係送俾我嘅生日禮物呀~

之前因為CARMEN寄啲OK史迪仔印花俾我,所以就俾左個地址佢,真係冇諗過佢會KEEP住,仲教準時間等我可以係生日前一天收到,所以真係好好開心同好驚喜呀!

依兩件MARIE禮物真係好鐘意,尤其係個貓掌匙扣,好得意呀。

真係要係度同CARMEN講:真係多謝你,你真係俾左個SURPRISE我。你快啲出嚟同我食飯,到時慢慢傾呀!

2009年8月23日星期日

再嚟迪迪尼

23 AUGUST 2009 (SUN)

雖然我地張夏日兩天票九月中先到期,不過我想趁佢有史迪仔活動入去玩多次,所以就同大肥豬、LULU妹一齊.....迪迪尼我又嚟啦!

今次入迪迪尼都主要係睇巡遊同大街SHOW,當然係未夠鐘嘅時候就係不停咁四周維影相...影相...再影相~

終於等到睇巡遊,上次都影左好多相,所以今次我都係主要感受個氣氛同準備濕身~

哈哈...上幾次(包括上年)我都搵唔到個靚位影MARIE,次次都係見佢個背面。今次終於都可以影到,好得意呀~

之後..就係我最鐘意環節,同公仔影相呀~

醫飽肚之後,繼續邊行邊影相,就係依個時候,大肥豬見到有啲黃色花仔,佢就學人『打花』,仲不停讚自己影得靚添(不過....大家千其唔好讚靚,如果唔係佢鐘意左影花唔影我就大件事啦...哈哈)~

今日驚喜就係依個時候發生啦......事緣係等睇大街SHOW前,見仲有時候就去城堡前影吓相。除左大肥豬幫我影左幾張個人照外,仲叫LULU妹幫我地影啲合照。開頭都預計啲普通合照,但原來影出嚟勁有FEEL,仲係我想影嗰啲感覺,好SWEET呀!今次真係要特別鳴謝LULU妹先得~

睇埋大街SHOW,我地就離開迪迪尼啦~

玩埋依兩次之後,唔知幾時再有機會入去玩?不過迪迪尼真係一個好開心嘅地方,所以有機會我一定會再嚟,但唔知係幾時...哈哈~