2009年9月30日星期三

大埔遊

1 OCTOBER 2009 (THU)

上星期因為返工戴口罩關係,攪到塊面勁多粒粒,冇晒心機去影相。今日放假哦.....當然又係時候去影相啦!

尋日成日都不停落雨,所以都好驚今日天氣都係唔好,唔可以成行。好在今日天氣真係幾好,冇落雨之餘又唔太晒,真係好適合影相呀。

今日我地個本主打係去鐵路博物館影靚相,可能係假期關係,真係勁多人,仲要好多都係一家大細去玩,好多可以影靚相嘅位都好多人,所以我地都係留左一陣就走~

見有時間尚早,大肥豬就提議去埋大埔海濱公園。原來兩個地方都係好近,搭的士去都唔洗跳錶。

唉.......又係好多人,所以都只係行吓影吓咁,影相唔多~

不過,我地見到有條好靚嘅花藤,於是就不停狂影,仲SET腳架影左好多合照添~

哈哈...勁鐘意依張,我想影依啲FEEL好耐啦,終於都俾我恨到啦,自己睇都覺得勁SWEET~

2009年9月29日星期二

可愛小燈籠

29 SEPTEMBER 2009 (TUE)

繼上年嘅迷你楊桃同兔仔燈籠之後,今年又有新攪作,就係依條可愛嘅魚仔燈籠啦~

其實上年嘅玩完楊桃同兔仔燈籠之後,我都有收埋好佢,打算留番今年再玩(扮晒慳家咁...哈哈)。

不過前幾日拎番啲燈籠出嚟之後,發現兔仔都已經變左做污穢兔,唔再係白雪雪,所以就做左個好衰嘅決定,買過個新燈籠過中秋。

今日行街經過睇到,真係好得意,所以就帶左依個魚仔燈籠返屋企,留番中秋當晚出去賞燈時玩。

不過,依幾日落雨都落得好勁咁,希望中秋夜唔好再落雨,等魚仔可以出街游吓啦!

2009年9月28日星期一

嘉汶表妹的手信

29 SEPTEMBER 2009 (TUE)

今日放工時小豬媽就拎左剛剛去完日本嘅嘉汶表妹手信俾我。

首先就係HELLO KITTY大碗麵,個碗好靚嫁~

不過依份禮物似係俾大肥豬多,因為佢一打開見到啲麵時,已經話左當今晚宵夜,仲話只係留番隻碗俾我呀~

另一份就係溫泉浴鹽,嘉汶表妹真係知我心意鐘意浸浴~



冇得去日本浸溫泉,依家用依啲溫泉浴鹽頂下引都幾好.....哈哈~

真係多謝嘉汶表妹次次去旅行都買手信俾我,開心之餘又有少少羨慕,我都好想成日去旅行呀!

2009年9月27日星期日

我有大頭鞋

28 SEPTEMBER 2009 (MON)

一向黑仔王嘅我,當係雨季時嘅LUNCH或者放工都會間唔中落雨,幾次都攪到對鞋濕晒,要吹幾日先可以再著。

今日放工如是,唉....成對鞋又濕晒,加上對鞋都經過多次雨水洗禮都已經殘殘,總之就攪到對腳勁唔舒服啦!

當我係APM與大肥豬匯合之後,大肥豬知道我對腳濕住勁唔舒服,又見我對鞋勁殘,所以就主動帶我上CROCS買對新鞋仔俾我,等我雨天時著。

哈哈.....依對就係我嘅大頭仔鞋,依款仲係新產品,個鞋頭明顯細左少少,著上腳舒服啲~

我仲好貪新忙舊咁即買即著添。

CROCS我都想買好耐,不過次次行過都係睇完就走,因為總係覺得一對膠鞋要成三百蚊好似唔抵,都唔係好捨得買,不過大肥豬話落雨著會方便啲,加上又係佢送,所以...唔理啦....哈哈...多謝大肥豬老公啦!

2009年9月24日星期四

優先去撞鬼

24 SEPTEMBER 2009 (THU)

之前係YAHOO BLOG知道有海洋公園哈囉喂優先場入場卷抽獎,一向師奶仔嘅我當然唔執輸登記埋啦!終於係前幾日收到E-MAIL話我抽中左,真係勁開心...有得去玩啦!

今日係優先場,但因為大肥豬要開OT冇得去,所以就搵左勁大膽嘅糖糖陪我一齊去玩。

嘩...原來YAHOO所送出嘅係至尊飛,即玩所有鬼屋都係唔洗排隊,真係勁正。因為我始終都係好怕,所以冇入過去。反而糖糖就利害,入左五間鬼屋,不過好攪笑地我會請其他有至尊飛嘅朋友仔一齊陪佢玩,叫佢一個玩我都唔係幾放心。好在所有朋友仔都好NICE,真係要係度THANKS陪糖糖一齊玩嘅朋友仔呀!

我唔玩鬼屋都唔會悶,因為我地都同左好多鬼影相,仲同佢地玩得鬼咁開心添。其實我都不人知幾驚,同佢地玩時我都係扮震定,因為糖糖教落,唔好俾佢知你驚,如果唔係佢地有排嚇你呀~

以上只係少部分相,仲有啲係糖糖相機度,因為我地影左勁多相,影都尾兩個人嘅相機都冇晒電添。

除左影相之外,仲有一個節目可以向大家推介。係彭氏兄弟鬼屋附近有個睇SHOW活動,個SHOW勁爆笑,扮晒四大天王之外,又有人扮MJ,真係勁似...我都尖叫唔停呀!

我都係第一年入嚟海洋公園玩哈囉喂,講真我都範得佢地都做得幾好,係唔同位置都安排啲鬼鬼同大家玩,令到整個氣氛都好好呀!

2009年9月21日星期一

四葉妹妹賀中秋

22 SEPTEMBER 2009 (TUE)

數數手指...我都好耐冇同我啲公仔影相,上幾次去街我都有帶埋我嘅至愛DOLLCENA出去一齊影,不過我影完之後都已經好攰,所以都冇心機幫佢地影啦!

DOLLCENA都已經少,何妨四葉妹妹呢?因為我已經將四葉妹妹整整齊齊咁放番入盒,所以好少拎佢出嚟玩。

近日我同事史迪哥哥將佢個四葉妹妹拎左番OFFICE做擺設,所以日見夜見終於條引又嚟。

                       

四葉妹妹故事開始啦

嘩..買到啦...我本雜誌出左啦,等我坐底慢慢睇先得~

YEAH....終於學識跳繩啦~

中秋佳節就到,月餅當然唔少得啦~

嘩...雙黃白蓮蓉,好嘢嚟哦~

等我食啖先.....

好味呀.....大家都嚟試吓啦~

食飽飽月餅,食番杯雪糕,好滿足呀~

哈哈....四葉妹妹真係好得意,等我多啲同佢影相先得。係忙碌工作中取少少時間同公仔影相,真係一個好好減壓方法!