朗豪坊的貓貓

6 DECEMBER 2009 (SUN)

今日大肥豬去佢同事屋企BBQ，由於目的地將會有幾隻大狗狗，為免我驚而玩得唔開心，所以大肥豬唔洗我一齊去啦！

我當然唔會一個人係屋企咁寂寞，所以就約左糖糖同小肥肥陪我去玩吓。

今日我地個節目都真係勁豐富，首先我地約係旺角朗豪坊集合，去得朗豪坊...我又點會唔上去影吓貓貓呢！

由於兩位妹妹仔之後都已經去影過，所以今次主要都係幫我影啦~

時間早就真係有一個好處，成個場地都唔係太好人，都幾好影。不過當我地影到尾段，有一邊門開始封，可能為晏啲節目準備。

就係依個時候我地都離開朗豪坊，向下一個地點進發啦！