2010年7月6日星期二

意外驚喜

6 JULY 2010 (TUE)

今日大肥豬屋到企第一時間就俾左佢公司最新一期嘅刊物我睇,開頭都唔覺有啲乜特別,仲以為係有關於佢嘅工作介紹。

點知睇到最後一頁,竟然俾我見到一張好熟面口嘅相,相中主角係我呀~

原來早排大肥豬見佢公司嘅月刊有一個投相活動,就貪得意試吓,雖然佢估被登出嘅機會唔大,但如果真係登出左,咁就可以俾個驚喜我之餘,仲可以將我個大肚LOOK留個紀念,所以就偷偷地就將我係迪迪尼影嘅肚仔相連埋佢諗嘅一句標語交左出去。

哈哈...當我睇到嗰一刻真係覺得好攪笑,仲覺得好SWEET添,估唔到大肥豬咁有心思俾個驚喜我呀!

沒有留言:

發佈留言