2011年4月30日星期六

Forggy Bunny is Comming~

29 APRIL 2011 (FRI)

自小小豬愛上左PLAY ALONG入面對公仔 - FOGRRY & BUNNY之後,我就開始搵兼發英雄帖叫啲朋友仔一齊搵,打算買俾小小豬。

終於,原來我有個朋友仔係WORLD FAMILY嘅MEMBER,所以就可以幫我訂到一對,仲好快咁係今日就收到啦~

一返到屋企就拎俾小小豬睇,一見到佢地,小小豬立刻就展示佢個『月亮眼』。

之後我地又利用依對手偶公仔同小小豬玩,又傾計講故事咁,小小豬都好似留心左啲呀!

相信有依兩位好朋友陪小小豬一齊學習,效果都應該幾好。

2011年4月28日星期四

小蜜蜂嗡嗡嗡

28 APRIL 2011 (THU)

前排同大肥豬PLAN吓帶小小豬去邊度玩時,大肥豬就建議等天氣熱啲嘅時候,帶小小豬去沙灘,可以去玩吓沙、踢吓水同陽光玩遊戲。

雖然都唔會咁快去沙灘玩,不過都要做啲準備,就係搵件泳衣仔俾小小豬啦!

唉....可能小小豬都仲細,真係勁難搵到一件啱佢身嘅泳衣。已經行晒APPITA、吉吉島、H&M….都係冇咁細件,最細嘅都只係得95碼(不過唔明白點解女孩子就會咁細件哦),小小豬又點會啱著呢,所以我地都買定左套背心短褲,等去沙灘玩水時都叫有啲夏天LOOK著呀!

就係我地買左套衫仔,唔打算再搵泳衣嘅時候,小豬媽就俾左個驚喜我地。佢今日係屋企附近嘅小店舖,搵左件細細件嘅小蜜蜂泳衣俾小小豬呀~

 

一見到件泳衣真係超鐘意,勁可愛呀,所以就係小小豬準備洗白白前扮吓B模,試吓件泳衣仔先~

小小豬著左上身之後,真係勁攪笑,勁可愛,真係冧C人呀!依家個SIZE就啲啲大,咁等多一個月左右,去沙灘時就會好FIT身。

依家見都咁可愛,去到沙灘真係唔得掂呀....哈哈哈!

2011年4月27日星期三

唔願訓的小小豬

27 APRIL 2011 (WED)

曾幾何時小小豬都係一個好乖嘅BB,當飲完夜晚十點幾嗰餐奶之後槑幾吓就訓著左啦!

不過唔知依排佢係唔係精力旺盛左好多,飲完最後一餐奶之後就唔願訓,放佢訓係床係度,好快就會自己爬起身企係度,之後仲不停咁傻笑,好似想搵人同佢玩傾計咁~

玩都唔止,小小豬精力多到想呢,企圖想爬上去上格床,真係俾佢既激C又笑C呀~

 

見小小豬叻叻識得自己搵嘢扶起身又笑又跳,都應該係開心。

不過,依幾晚都要玩到成點幾先肯去訓,真係有啲俾佢激親呀...哈哈哈!

2011年4月25日星期一

極速遊南蓮園池

24 APRIL 2011 (SUN)

難得放假又有好天氣,點可以留係屋企咁浪費呢?所以又係去玩嘅時候。

我地都一早先去同爺爺嫲嫲飲茶,之後就近近地過左鑽石山個南蓮園池行個圈,散吓步影吓相啦!

行左一陣,小小豬開始扭眼訓,所以都只係可以影到幾張相呀~

睇到依幾張相,發覺小小豬個樣真係唔同左,大個仔左好多(當然依然係好可愛啦...哈哈哈)。

2011年4月23日星期六

數碼港半天遊

22 APRIL 2011 (FRI)

復活節嘅第一天,當然係要去玩吓,所以一早就約埋一班同事一行七大兩細入數碼港行吓影吓相啦!

HIT左咁耐今次我都係第一次入數碼港,開頭仲以為交通好麻煩,不過原來有小巴係由太古直到,都算幾方便,車程都係大半個鐘左右。

數碼港個環境真係幾舒服,又唔算多人,所以都真係一個不錯嘅地方。我地邊行邊影相,都幾開心呀!

先係室內影影~

再係室外又影影~

其實我地影左唔止咁少相,因為我地影左好多兩個BB一齊嘅相,仲有啲係其他同事嘅,不過好似唔太方便放上嚟,為有只係睇我地啲靚相啦!

一大班朋友一齊玩真係好開心,所以有機會一定要再約埋去玩過呀!

2011年4月22日星期五

尋找Forggy & Bunny

21 APRIL 2011 (THU)

有個朋友仔買左WORLD FAMILY嘅教材,佢俾左一隻PLAY ALONG小小豬睇。

我地基本上每日都會播一次俾小小豬睇,估唔到小小豬睇左一排就愛上左面嘅FOGRRY & BUNNY,一見依兩個卡通人物嘅出現,就會好興奮咁又跳又叫好開心咁呀!

見小小豬咁鐘意FOGRRY & BUNNY,所以我好想買嚟俾小小豬玩,等佢地陪小小豬一齊學習呀~

不過,我搵左一排都搵唔到,已經搵左好耐都唔覺得有。所以就想請大家幫一幫助,睇吓邊度有得買,有就記得話我知,等我買嚟送俾小小豬呀!

2011年4月21日星期四

仔仔嚟探班

21 APRIL 2011 (THU)

今日小豬媽要嚟柴灣整啲嘢,見仲有時間加上又知道我地學校放緊假,所以就帶左仔仔嚟學校探班呀!

哈哈...探班就係其次,小小豬嚟搗亂就真,佢一見到我枱面,就起勢咁拍,見嘢就拎起手就玩,見到真係唔知好嬲定好笑呀~

之後又同糖糖姐姐玩得好開心呀~

玩左半個鐘頭都冇,小豬媽就帶埋小小豬走啦!

唔知下次係幾時小小豬又可以嚟探我呢?哈哈哈~

2011年4月19日星期二

太古城LEGO展

19 APRIL 2011 (TUE)

當糖糖知道太古城中心有個LEGO展之後,就俾佢慫恿今日放工一齊去影相。

我見到近近地,加上又要幫小小豬買嘢,所以就出去影左一轉啦!

我地出到去都成五點鐘,已經唔係繁忙時段,不過都算多人(可能比起星期六日算少啦~),有啲靚嘅佈置都要等一陣先影到。

其實我都影左成百幾張相,不過我真係唔知出大家分享邊啲好,以下嘅就係我鐘意嘅模型呀~

中國式的~

香港式的~




其他世界名勝~

啲LEGO實在砌得好靚又似,真係好佩服啲人有咁多心機砌得咁靚呀!

大家如果出開太古城,真係可以行去睇一睇,值得推介俾大家呀!