2011年8月31日星期三

2ND CPDA

28 AUGUST 2011(SUN)

今日小小豬返第二堂PLAYGROUP啦!有左上堂經驗,我地發覺一定要俾小小豬瞓夠先好去上堂,所以今日係食第二餐粥仔之前,俾佢瞓左個幾鐘,咁就可以有足夠精神學嘢啦!

一入到課室,小小豬一見到啲中間嗰一堆玩具就快快趣咁爬去玩,仲玩得好開心添~


 
今日第一PART就係拎住啲小樂器唱遊活動及認識同學仔~

 
之後就認識耳朵,導師俾左啲傳聲筒我地玩,小小豬都好專心呀~

 
練習行路,今次除左有唔同物料俾佢地踏之外,仲有啲障礙物俾佢地練習跨越。雖然仲未識得自己行,不過有大肥豬扶住,小小豬都行得好好,唔洗教都識得自己跨過啲障礙物呀~



 
又到茶點時間,今次導師都叫小朋友幫手抺枱,等佢地可以學習做吓簡單家務。小小豬都肯去抺,不過相信佢都以為係玩多啲啦~

 
食完茶點就有新嘢玩,就係利用牙刷塗上顏料,刷上圖畫紙上。導師話咁係訓練小朋友刷牙仔嘅習慣同手勢。唔知係唔係新奇嘢,所以依個小小豬好樂意去做,仲開心到連手仔都有。雖然係污衊左少少,不過又真係玩得幾開心呀~


 
依一幅就係小小豬嘅勞作,都叫做OK啦~

 
最後又係玩玩具時間,依個小小豬一見到啲玩具就一支箭咁爬去玩,真係有啲擔心佢整到其他小朋友呀~

 
今日第二堂小小豬表現就麻麻,雖然係瞓飽飽先去上堂,不過就係因為太夠精神,所以上堂就勁情緒高漲,間唔中就會尖叫幾聲,真係嚇C人。放學時導師都同我傾吓小小豬問題,都話整體上學習係OK,只係有尖叫情況出現。

經我地傾過之後,導師估計可能小小豬因為食左啲藥,所以影響到佢啲情緒(因為前幾日佢有幾聲咳,所以去左睇醫生)。

希望下一堂真係會有改善,唔好再做曳曳豬啦!

2011年8月30日星期二

小小豬的學生相

27 AUGUST 2011(SAT)

因為大肥豬想小小豬讀N班,所以我地依排都好忙咁周圍睇吓啲幼稚園嘅網址,睇吓佢地啲簡介同埋幾時招生等資料。好多幼兒園都係一年前要交定入學申請表,所以我地都開始為小小豬準備,等夠時間就去交表。

就係準備文件時,原來每一間幼稚園都要交係交表時交埋學生相,但我地都從未同小小豬影過啲正正經經嘅相,所以為小小豬為申請表第一件準備嘅事,就係要影証件相啦!
 
開頭我都有打算帶小小豬出去啲影相鋪頭影,諗住好似專業啲,應該會靚啲。不過諗深一層,小小豬又點會乖乖咁一TAKE過同我影到張靚相,所以最後都決定係屋企用相機慢慢影到靚為止,先再用SOFTWARE整成証件相嘅SIZE。

所以前幾晚我地動用全屋所以人,一啲負責引小小豬笑,我地就負責影。不過依個小小豬都唔多合作,唔多願意坐係椅子度,又點引都唔肯笑,真係激C我呀!
 
最後經過我地嘅努力,係影左幾十張之後,終於都搵到一張叫幾好嘅,雖然唔係大笑,不過眼仔碌碌咁,都幾精靈啦~


依張我都覺得唔錯,所以都晒左一批嚟用。唔知啲老師見到依張証件相,會唔會就咁就鐘意小小豬呢…哈哈!
 
 

 

2011年8月29日星期一

我的生日節目

26 AUGUST 2011(FRI)

雖然今日係生日,不過啲感冒菌朋友嚟同我慶祝,加上又俾啲唔開心事困擾住,所以基本上都冇乜心情。

原本都認為今個生日都係平平淡淡咁過,不過估唔到我啲同事為我準備左一個蛋糕同我慶祝,又送生日禮物俾我,嗰一刻都真係可以叫做回復返心情。

個牛乳蛋糕真係好好味~
 

仲有好幾份禮物添,每一份都好好好,真係要多謝佢地呀~




其實今年生日都冇諗過點慶祝,一嚟唔可以請假去玩,二嚟小小豬仲細,我同大肥豬又唔想再佢去夜街,所以只係打算今晚我地兩個人出街食個飯,之後就返屋企三口子睇大結局啦!

今日大肥豬嚟左接我放工,之後就去行街食晚餐,不過因為我唔舒服關係,所以唔想行咁遠,所以又出左吉吉島食飯。今次我地去左火頭山度食,依間我之前都好想去試,不過次次都係好多人要排隊,今日早早地終於都唔洗等就有位啦~

我地每ORDER左一份定食,真係幾好食,啲魚生好新鮮,個麵又好彈牙,仲有個湯底又好正,完全同XX拉麵嗰啲冇得比呀~


食飽飽之後就去左行一陣,之後就接埋小小豬返屋企睇大結局啦!

當我返到屋企打開信箱,又有另一個驚喜,就係MIYUKI寄左禮物俾我同小小豬,依兩份仲係佢去日本旅行時買呀~

兩份都好鐘意,真係好靚,多謝晒呀!其實我最開心嘅係小M去旅行都記得我同小小豬,就係依份心意都令我好感動呀!

今年我嘅生日就係咁....勁簡單...勁平凡地過左啦!不過平凡是福,有時可能簡簡單單咁先識合我呢!

 
 

2011年8月28日星期日

CARMEN與我的生日飯

25 AUGUST 2011(THU)

今日同CARMEN食我嘅生日飯,近近地去左太古吉吉島入面間夢見屋入面食日式嘢。我都成日行嗰層嘅吉吉島(因為對面就係嬰兒部),不過依間都係第一次去,如果唔係CARMEN提議,我依個大鄉理都唔知有一間餐廳呀!

依間啲嘢食真係幾好食,真係冇介紹錯呀~

晚飯之後,我地就過去左HAAGEN DAZS食雪糕繼續傾計。今次我地兩個叫左香蕉船嚟食~
 
不過好奇怪,唔知點解依間HAAGEN DAZS好多款雪糕味都冇得供應,只係得返啲普通嘅,攪到我最愛食嘅草莓乳酪都冇得食,有機會一定要再去食過先得呀!

除左食飯之外,CARMEN仲送左一大袋禮物俾我同小小豬~


今次真係又食又拎,攪到真係唔好意思添!

 其實我今日嘅心情都真係唔係咁好,不過同CARMEN食左個開心飯局之後,開開心心咁傾左成晚,成個人都好似放鬆左啲,心情都好左好多啦!

最後當然要再一次多謝CARMEN,等我又食又拎,又過左一個開心晚上。
 
 

2011年8月27日星期六

小豬廚房

23 AUGUST 2011(TUE)

小小豬生日嘅時候,小豬媽訂左份大禮物俾小小豬,等左一個星期左右,份禮物終於係今日嚟到啦!

打開嚟睇...真係勁靚,唔止小小豬就連我都好鐘意依套動物嘅廚房呀~

 ]

成套都係木製,所以手感真係好好,再加上啲物料同設備都好得,總之一個字形容依套廚房 - 『正』呀!

依個小小豬一見到新玩具就急不及待咁要玩,仲玩到好似模似樣咁哦~
 
除左依套廚房之外,仲有一SET蛋糕套餐,都係一樣咁靚,不過因為就比較細少,所以暫時都唔會俾小小豬玩晒,只係俾啲杯仔、蛋糕仔俾佢切嚟玩,大多啲啲先多啲啦~

 

依兩套加埋都真係幾貴,不過因為依套係木製,都應該可以玩好幾年,加上又可以訓練小小豬手力(俾啲魚..蛋糕佢切),所以小豬媽話值得。

2011年8月26日星期五

驚喜飯局

23 AUGUST 2011(TUE)

今日約左三位妹妹食飯局,因為糖糖同另一個同事係今學學期就離開學校,有一個好嘅發展,所以就約埋之後已經離職嘅同事,四個人食飯敘吓啦!

今次我地去左銅鑼灣間風月堂食~


依間我地係第一次去,個環境都真係幾舒服,又唔趕人走,所以都幾好。我地ORDER左一個PIZZA,一個鵝肝炒飯同埋三文魚意粉,都只係一般~

 
不過佢啲甜品真係勁好味,我地ORDER左四份甜品,每一份都好味之餘,個賣相仲好靚添~



其實今日主要目的都係為兩個妹妹有新發展而去敘一敘,不過估唔到ZOE為左我地三個八月生日嘅壽星準備左一個生日蛋糕,真係好驚喜,依一個亦都係我今年第一個切嘅生日蛋糕,雖然只係三分一主角,不過我都已經好開心啦~

 
除左蛋糕,仲有禮物添,依兩份就係ZOE送俾我同小小豬嘅生日禮物~
]

 
另外糖糖都有送生日禮物俾我同小小豬添~

 
今個飯局之後,都唔知幾時先再有機會見可以再約埋一齊食飯敘吓 (相信糖糖會多啲)。希望佢地三位妹妹係新環境都可以一樣開開心心,順順利利啦!