2011年8月25日星期四

我的生日願望

26 AUGUST 2011(FRI)

八月嚟講我真係好多節目,其實仲有好幾篇未出,不過今日依個一定要打尖出左先,因為......今日係我N歲生日嘛!(哈哈..已經要用個N字嚟形容,因為就連我自己都唔想記得自己幾多歲)

往年都會一早PLAN定今晚去邊度慶祝,不過今晚都相信係兩口子去簡簡單單食個飯,之後就返去接小小豬返屋企。明年啦...明年等小小豬大個啲,就可以一齊去慶祝啦!

講真,一踏入八月,雖然係我嘅生日月,不過唔知點解接二連三咁好多唔開心事發生,心情唔多唔少都會影響到,攪到個人都DOWN DOWN地。不過...每當我見到小小豬既相,我動力又會返嚟(少少啦)~

不過,隨住生日來臨,希望唔開心事可以快啲離開,好似彩虹咁,人生係五光十色的,每日都開開心心,依個亦都係我今年嘅生日願意之一。

當然,我另一個願意就係小小豬可以快快樂樂、健健康康咁成長啦!
 

沒有留言:

發佈留言