又到星期日，又係返學嘅時候啦！
唔知係唔係因為天氣唔好，有啲毛毛雨，所以今日加埋都只係得五個同學仔上堂。不過少人都有少人嘅好，因為啲遊戲可以玩多幾次嘛！
因為今日冇乜同學仔返，所以啲玩具任小小豬玩，所以佢就玩一個夾一個，真係貪玩到呢....不過冇同學仔係度，俾佢百厭一吓啦，平日佢都好禮讓呀~
開始上堂，先嚟唱遊活動，今次小小豬好叻，識得自己拎樂器，又識得自己放回原位呀~
今日又有新嘢玩，就係依住個筒慢慢行，導師仲請左小小豬出去做示範，好叻仔呀~
之後行平行木又真係行得幾好哦~
行完平行木就要去捐山窿，睇吓小小豬爬得幾開心~
係玩緊爬爬嘅時候，小小豬俾旁邊嗰大波波吸引住，攪到分心，真係激C人呀~
玩左一陣，又到食茶點時間，一有嘢食佢就最開心~
最後玩具時間，都唔知點解小小豬一咁鐘意依個轉轉玩具，次次都係玩依一個...哈哈~
上次上堂小小豬都有尖叫情況，不過今日完全冇尖叫，整體上今日小小豬表現真係勁好，係落堂時導師都讚小小豬嘅表現，真係好乖仔呀！
今日陪小小豬上堂係最開心嘅一節，尤其係導師請佢做示範時，真係好開心呀！
沒有留言:
發佈留言