2011年11月1日星期二

UNIQLO保暖衣

31 OCTOBER 2011(MON)

我係一個勁怕凍嘅人,所以前排係電視見到話UNIQLO出左一隻既薄又暖嘅襯衫時,我都勁有興趣去睇吓~
 

趁今日同小豬媽出太古城買嘢,所以就走左上去UNIQLO八卦八卦一番。唔知係唔係廣告效應(好似我都係睇左廣告先嚟..哈哈),擺襯衫位置已經企滿左好多人,個個都係度揀。

原本我都冇打算買住(始終覺得好似未凍,唔洗買冬天嘢住),不過見佢地可以試身,所以就同小豬媽問職員拎左個碼嚟試吓。一著上身唔洗幾秒,都FEEL到個身開始暖,感覺好“COOL”個身體但又唔會覺得好焗,個質地仲好軟屬添,所以我就買住兩件嚟著先(小豬媽都買左三件呀)~



唔止我呀,我都買左一件男裝俾大肥豬試吓呀~
 
 
先買住幾件嚟試先,到正式著過幾次,又經過洗濯之後,如果仲KEEP到,到時就會大量入貨,買嚟冬天當打底衫著應該都係唔錯嘅選擇。

你知啦...冬天著太多衫又會變腫豬,做乜都好似唔方便咁,依件衫薄得嚟又暖,咁就唔怕啦!
 
 
 
 

沒有留言:

發佈留言