2011年12月2日星期五

轉用SOFINA粉餅

30 NOVEMBER 2011(WED)

某程序上我都沒有化妝習慣,平日返工時用完護膚品之後,都只係會塗BB CREAM,可以防晒之餘,等面有返少少色,可以望落去精神少少,唔洗面青青咁嚇人。

不過BB CREAM我都用左一段長時間,好似有啲悶,加上發現有時塗完之後,面同頸好易有兩截色(其實唔知係唔係我塗得唔好..哈哈),所以係時候都想換一換。

早係上次SOGO感謝日時,我都已經好想睇吓買乜牌子好,打算趁特價買嚟試,不過當時勁多人迫,加上又帶埋小小豬同行,所以都冇機會行去睇。

今日我地出左吉吉島食晚飯,所以就有時間可以慢慢睇慢慢揀,就係咁...我就敗左一套~

我入去時都冇打算買依一套,當我講左我啲要求之後,那位職員就為我介紹依套,仲好有心機咁慢慢幫我試啱我膚色。

平時都極少用粉餅,所以都好怕塗唔均。不過經教導之下,發覺又真係幾方便,只需要先塗上個保濕BASE,之後再拍上粉餅,係好快又好簡單嘅情況下就整好晒,真係好啱我依啲一早起身勁趕時間嘅人。

試用時都有試過塗係面上,我覺得都幾好,好薄又自然,都唔多覺塗左嘢但個面色又好左啲,睇又唔見有兩截色(可能係個職員手勢好..哈哈)。

其實除左依一套粉餅之外,我仲睇中左SOFINA嗰套高效補濕嘅護膚品。不過一次過買埋會好肉痛,加上屋企SET又未用晒,所以等用埋晒之後,就會再買嚟試用一吓。

沒有留言:

發佈留言