2011年12月5日星期一

STUDIO攪攪陣

4 DECEMBER 2011(SUN)

早係上幾個月,因為我POST左一張我同小小豬攪笑嘅無聊相,之後大肥豬好朋友GARY見到,就提意幫我地去BOOK個STUDIO,由佢幫我地影,有人幫我地影我當然好樂意啦,就係咁..今日我地又可以去影樓影相啦!

先講間影樓先,地方都幾大,我地BOOK左兩個鐘,就係依兩個鐘入面任我地用佢嘅佈景道具,仲提供埋一般影樓嘅燈光,所以我覺得都OK。

今日我幫小小豬準備左四套衫,原本就PLAN得好好,仲諗定擺啲什麼POSE,不過就因為今日小小豬個狀態唔係咁好,成日係個影樓度走嚟走去,唔多肯企定定,所以都打亂晒我嘅計劃,因為我地掛住引小小豬,
仲影得唔係好多三口子添,真係俾依隻豬仔激C呀!

雖然係咁,影吓...玩吓...啲時間都好快過,仲玩得好開心。原來今日都影左成六百幾張相,真係估唔到...哈哈。因為啲相要執一執,所以未有得睇住,可能GARY知道我心急,所以先SEND左幾張俾我睇,真係好靚呀~

今日真係多謝GARY,佢真係好有心,唔怕依個失禮嘅小小豬,幫我地咁用心咁影相。

沒有留言:

發佈留言