2012年1月8日星期日

1ST 幼潛

8 JANUARY 2012(SUN)

休息左兩個多月,小小豬又要開始忙碌,因為要返PLAYGROUP啦!

我地今次係報左幼潛嘅PLAYGROUP,我揀左星期日係觀塘嗰班上,諗住方便啲。不過今日第一日返學先知原來佢地係借用左觀塘某幼兒園嚟做課室。雖然地方都就好大,不過小朋友嘅活動範圍就只可以係個膠地毯上面,感覺上都好似好迫咁,所以我就唔係太鐘意。

要洗洗手仔先可以入課室呀~

一入到課室就有玩具玩呀~

由於只可以有一位家長陪上堂,我自己又未病好,所以依個任務就交左俾大肥豬,等佢地兩父子上堂啦~

依間係唔可以影相,所以都唔可以記錄低小小豬學嘢嘅情況。今日主要都係教訓練小手指肌肉同解決問題能力,分別做左兩個相關嘅活動,小小豬都總算做得到。不過當老師要收返啲教材嘅時候,佢都會扭計唔肯,仲有一次喊左出嚟添。

不過隨著有餅餅食,小小豬個情緒又好返好多,仲主動走埋去問老師添食,所以都話小小豬係一名為食豬嚟呀!

休息一陣就到最後一個活動,爬樓梯..損山窿,訓練小朋友手腳協調咁,小小豬都算做到,仲見佢玩得好開心添(我靜靜地偷影左幾張相呀...哈哈)~


我從旁邊觀察,整體上同CPDA嘅課堂都係差唔多,都係教學同唱歌仔咁,今日小小豬個表現真係唔係好得,好似怕怕羞羞咁又扭計,之前返CPDA都未試過咁情況,唔知係唔習慣返學個環境還是係扭眼瞓,希望下次返學唔會咁失禮啦!

沒有留言:

發佈留言