2012年1月5日星期四

急救咀咀

6 JANUARY 2012(FRI)

依幾日天氣真係又凍又乾燥,換左啲蜂蜜護膚品之後,都算幸保不失。不過個重災區就變左落個咀度,成個咀唇都勁乾,乾紋出晒又甩皮都唔在講,仲要好鬼痛,只要細細咁張開個咀,都會好痛,所以攪到連食嘢飲水都冇心機。我都已經塗左護唇液幾日,不過好似都冇乜效咁。

原本都打算放工去屈臣氏買過支潤唇膏,睇吓轉返用潤唇膏會唔會有啲改善,不過實在係痛得好利害,所以今日LUCH行過7仔時,見到支曼秀雷敦潤唇膏,即刻乜都唔諗買支嚟頂住先~
 

塗左一次之後,感覺上個咀都開始潤返少少,痛嘅感覺都減少左,之後KEEP住一乾就塗,塗左五、六次左右,個咀就已經唔再痛,啲唇紋都少左,終於係今晚食飯時個咀已經唔覺得痛,個咀仲FEEL都好似柔軟啲添呀!

開頭我仲以為係7仔買貴嘢,因為依個牌子一般都唔洗$30就買到支,後來睇返介紹先知原來依支係曼秀雷敦最新出嘅天然植物潤唇膏。雖然係比一般貴左少少,不過都係$40唔洗,但個效用都唔錯,滋潤度及持久度都高,所以我都應該會KEEP住嚟用,同時都值得同大家推介一吓呀!

沒有留言:

發佈留言