2012年6月10日星期日

開心公園

9 JUNE 2012(SAT)

今日嘅星期六,天朗氣清,真係一個好啱玩嘅日子呀!不過無奈因為要返工,仲要返全日,所以真係想去邊都唔得。真係好羨慕啲星期六可以返半天嘅朋友仔,唔知幾時我可以呢?

講返今日先,今日放工返到屋企,見個天氣仲幾好,加上又想帶小小豬去放吓電,所以近近地就落樓下公園仔玩啦!

今次我地仲放埋車添,當然....係我地推小小豬啦,佢仲未可以踩到部車呀~


一落到公園,即刻要去玩滑梯。依個大膽豬唔洗人陪,自己急急腳咁走去玩呀~



依個傻仔仔,去每一個公園都鐘意玩依啲轉轉轉,真係唔知有乜咁好玩呀...哈哈哈~


我地仲放BUBBLE,其實係因為我鐘意玩BUBBLE,所以基本上我地落親公園都一定玩BUBBLE。不過....我冇迫小小豬,睇吓佢都玩得幾開心,遺傳左我貪玩性格~


原本小小豬都想繼續玩小滑梯,不過當時在場有好多大哥哥係度玩捉迷藏,所以小小豬都唔肯行過去。但就因為咁,小小豬又有新嘢玩,就係上左個大滑梯,個大滑梯仲係轉轉嗰隻,真係估唔到小小豬咁大膽,教左一次之後就識得自己爬上去玩,佢都好利害咁來來回回三十次,玩都塊面仔紅卜卜~







有得玩嘅小小豬就係最開心呀~


哈哈....見小小豬玩得咁開心,真係令人都會開心晒,所以我成日都話小小豬係我地嘅開心果(當然佢百厭發脾氣時就唔係咁講啦...哈哈)!

沒有留言:

發佈留言