2012年6月15日星期五

大肥豬生日

15 JUNE 2012(FRI) 

繼昨日小豬媽生日之後,今日又到我另一位至愛生日....就係我嘅大肥豬老公啦!

其實我地都冇乜特別嘅慶祝活動,只係晚上二口子去左PIZZA HUT食左一個簡單晚餐,之後行左一陣吉吉島就返屋企(因為有個Daddy掛住仔仔嘛)

雖然話係簡單,不過我都有俾個小驚喜大肥豬,就係同LuLu妹預先夾好左,請佢買左個小蛋糕返屋企,等大肥豬生日可以切蛋糕嚟個小慶祝~


話就係大肥豬生日,不過個主角位好似去左小小豬度,因為由佢第一眼見到個蛋糕時,佢就已經隻眼睛冇離開過蛋糕,攪到冇一張三口子相係似樣,真係激C人啦~


睇吓個為食豬...仲要自己切蛋糕添~


基本上因為小小豬對蛋有敏感,所以一向我地都好少...好少....好少俾蛋糕佢食,不過今日係大肥豬生日,破例一次食少少啦,睇佢食得幾滋味~




大家係睇小小豬個為食樣之餘,都留意一吓大肥豬個樣,佢真係同仔仔一齊時笑得特別開心同甜,真係有仔萬事足咁呀...哈哈哈!

沒有留言:

發佈留言