2012年6月20日星期三

古靈精怪

18 JUNE 2012(MON)

基本上小小豬係越大就越百厭(不過小豬爸成日都話咁係正常...唔通要佢坐定定),仲越嚟越古靈精怪,只要遇到佢情緒極度高漲時,佢嘅古怪表情真係多到呢....有時真係笑C你呀!

就係似今日,小豬媽餵食粥粥時,可能啲粥實在太好味,攪到小小豬極度開心,擺出好多古怪表情添。

先嚟CHOK吓先~

嘩....冇眼睇呀~


錫啖手仔先~


睇緊乜呢...咁緊張~


開心到笑到矇矇眼~


依個小小豬真係表情多多,見到佢啲古靈精怪樣真係人都開心啲呀!

題外話:唔知大家有冇發現小小豬有乜唔同左呢?哈哈哈...就係佢個前額嘅頭髮剪短左啲啲,依個頭係由小豬媽操刀,事緣因為小小豬啲前額頭髮實在太長,仲有小小拮眼睛添。

小豬媽話見到小小豬今朝早不停咁掃眼睛,攪到眼睛都紅晒,所以就即刻同佢剪少少頭髮,等佢可以舒服返。我覺得剪左之後真係仲似女仔,咁即係仲似我啦...呵呵呵呵!

沒有留言:

發佈留言