中秋節 新髮型

30 SEPTEMBER 2012(SUN)

原本PLAN好左依幾日假期帶小小豬玩，不過因為小小豬仲有流鼻水同咳，帶左佢去睇醫生(已經係一個星期第二次啦...唉)，所以真係邊度都唔洗去，留係屋企休息。

係屋企冇特別嘢做，大肥豬話見小小豬頭髮已經好長，所以我地個中秋節目就係幫小小豬剪頭髮啦！

依個小小豬又點肯乖乖坐定定俾我地剪，我就負責捉住小小豬，大肥豬就剪，經過我地努力，小小豬個新髮型終於都完成啦~

以大肥豬第二次操刀嚟講，個新髮型都唔差，只係差個前額仲長左少少(因為小小豬郁得好緊要，怕整到佢對眼睛呀)，不過整體上都真係VERY GOOR呀！

原本夜晚要落奶奶度做節，不過食左藥嘅小小豬瞓到好似昏迷咁點到唔醒，所以唯有我地都冇去奶奶度食飯。

小小豬瞓到成九點先起身，見佢都OK精神，所以都落樓下公園仔行個圈，都叫做感受吓中秋氣氛啦~

**我的微博...快啲嚟關注我地啦**