脆皮光波燒肉

7 DECEMBER 2012(FRI)

脆皮燒肉可以話係光波爐必整的菜式之一，我同小豬媽成日都好想整，不過成日都怕難冇的起心肝去整。

終於今日小豬媽買左五花腩返嚟，合我地兩人之力，終於完成左，仲好成功咁做到皮脆肉嫩呀~

開頭都以為好難整，我地依住個食譜整，原來好簡單，第一次整就完全成功，真係好有滿足感呀！

等我都同大家分享吓整嘅過程先。

先嚟一舊好靚嘅五花腩~

洗乾淨之後就均勻塗上鹽，醃約兩小時~

放入滾水中汆水約十五分鐘，至六至七成熟~

撈起瀝乾水份，用廚房紙吸乾水份，之後利用插肉針於豬皮上不停刺孔，刺左都唔知吓，因為食譜話孔打的越多，個皮就會越脆呀~

入爐啦....用低架先豬皮向下，以最高溫燒十五分鐘~

再嚟豬皮向上，再燒二十五至三十分鐘，至豬皮呈鬆脆狀~

個皮真係好脆呢~

放涼後切件就食得啦~

一件好味嘅燒肉就係咁完成啦~

哈哈哈...係唔係好簡單呢，有興趣嘅朋友快啲都試吓整啦！

**我的微博..關注吧**