2013年1月31日星期四

樂活。家 FAM 一月號

30 JANUARY 2013(WED)

之前都分享過PR姐姐送兩本《樂活。家 FAM》家庭雜誌俾我地閱讀,PR姐姐今日又送左新一期一月號嘅《樂活。家 FAM》俾我!一睇個封面,谷祖琳個囡囡好可愛呀~


今期主題係講在職媽媽,有幾位在職媽媽嘅訪問,谷祖琳就係其中一位啦~


今期其中一篇係講小兒咳,真係啱晒,因為小小豬都係氣管敏感受害者,睇多啲依方面嘅資訊,等我可以學多啲嘢呀~

另一個題目我又係好鐘意~


依七招都好似幾WORK,我真係要細心思考一吓,希望我可以用到以上招數,等小小豬唔好變成為港孩呀!

有興趣知多啲《樂活。家 FAM》嘅內容,可以去佢地網址睇吓:http://famworld.com.hk/





**我的微博..關注吧**

2013年1月30日星期三

又嚟碌波波

30 JANUARY 2013(WED)

今晚因為小豬媽去太古城買少少嘢,所以我地又跟埋一齊去,順便去小小豬至愛嘅冒險樂園玩返轉啦!

依間冒險樂園都係第一次去,不過唔知點解依個小小豬好似識得去咁,第一時間就周圍搵個碌保齡機,一見到就勁開心,仲即刻問我拎金幣要玩啦~

雖然係貪玩,不過小小豬都好乖仔,玩完一個GAME之後,就乖乖咁同保齡球SAY GOODBYE,冇扭計要繼續玩呀!

見仲有幾個金幣,所以我地又去擲彩虹啦~


哈哈...我地幾個人玩左十幾個,都只係擲中左兩個紅色(即係40分),都真係幾失敗!唔緊要啦,玩嘅過程我地每個人都開開心心,咁就最重要啦!





**我的微博..關注吧**

2013年1月29日星期二

來自日本的驚喜手信

29 JANUARY 2013(TUE)

今日大肥豬放工拎左個郵包俾我,原來係好友CARMEN寄嚟呀!

因為CARMEN前排去左日本,買左啲手信俾我地呀~


一包好靚嘅米奇頭糖糖,真係勁靚,唔捨得食呀~

一條靚靚手巾仔~


哈哈哈....毛巾仔真係多多都唔怕收,因為小小豬用得真係好快呀!

再一次多謝CARMEN,佢真係好錫我地,去旅行都有掛住我地呀!





**我的微博..關注吧**

2013年1月28日星期一

縱孫事件簿

28 JANUARY 2013(MON)

因為有朋友嘅小朋友就嚟生日,所以趁今日我地出太古城買嘢時,就出去反斗城行一陣,睇吓有冇啱心水禮物買俾那位小朋友。

次次去反斗城,小小豬都一定玩塊磁石板。今日當然唔例外,我就自己去睇玩具,小小豬就同小豬媽一齊玩磁石板。

就係我地買完嘢去食TEA嘅時候,小豬媽就同LULU妹『借啲異』行開一陣,話去洗手間咁,佢地返嚟嘅時候就俾左個驚喜小小豬,就係買左依個俾小小豬啦~


一面係可以用粉筆寫字~


另一面就係白板~


返到屋企先唔俾小小豬見到,等佢瞓左覺先。

當瞓醒覺時間,一行出廳小小豬就見到依塊板,都不知幾開心,仲即刻行去玩磁石ABC呀~


個傻豬仔真係玩得好開心呀~


小豬媽同LULU妹真係錫到個百厭仔燶呀!





**我的微博..關注吧**

2013年1月27日星期日

熊。出沒

25 JANUARY 2013(FRI)

話說學校依個單元係教緊衣服,所以學校就係今日舉行左一個小小嘅時裝表演,叫各位小朋友著啲特式服飾返去表演。

特式服飾....小小豬平日又唔多依啲衫,最多都係新年嗰一件中國服就最特式,不過上次慶祝國慶都已經著過,但我又唔想為左一日活動走去買新衫。

最後終於俾我諗到上年小豬爸同小豬媽新年去旅行時買過件可愛熊貓衫,曾經都著過去影影樓相(不過嗰時就大好多)。之後收埋左,到今年找返出嚟著就啱晒身,可以著返學玩啦!

係學校個情況我就見到唔,不過依個爛玩嘅小小豬,一放學又要去學校旁個小公園玩一陣先肯走,所以就又嚟上演一場『熊。出沒』~


有隻傻熊貓係度滑豬仔呀~


哈哈哈...小小豬著住件衫仔真係好攪笑又可愛,有機會都可以同佢著多啲去街街呀!





**我的微博..關注吧**


2013年1月26日星期六

黃巴士Light

22 JANUARY 2013(TUE)

早前收到《黃巴士Light》編輯嘅留言,邀請小小豬的照片刊登在黃巴士Ligh親子月報上。

有機會俾小小豬留下回憶我當然好樂意提供相片啦,即刻搵左張小小豬笑得好開心嘅相俾編輯姐姐啦!

就係咁,小小豬係十二月號《黃巴士Light》出現呀~


哈哈哈.....又一虛榮心的媽媽,見到自己個仔相開係雜誌度就會開心呀!

其實依個開心都係遲左,原來本雜誌早係大半個月前編輯姐姐已經寄左俾我地做留念,不過,大肥豬收到信後就連埋啲文件一齊收埋左,到今日搵文件先見到本雜誌,所以到依家先可以同大家分方享,真係激C人呀!





**我的微博..關注吧**