2013年1月19日星期六

快遊圓玄學院

18 JANUARY 2013(FRI)

今日放學食飽飽之後,就換件靚衫,跟小豬爸同小豬媽去遊車河啦~


其實係因為年頭嘅時候我地曾經嚟過荃灣拜神,希望小小豬身體健康同有間好學校。到左年尾當然要嚟還神,多謝保佑啦!

還完神之後見時間尚早,所以小豬爸就帶我地去圓玄學院行個圈,食吓齋啦!

小豬媽話我細細時係好鐘意係依個花園仔周圍走,仲影左好多相添,所以就帶小小豬嚟玩吓啦~


睇吓佢同小豬爸玩得幾開心~


玩左一陣,食嘢啦~



我地叫左一個套餐,講真.....味道就真係麻麻,不過依啲地方食嘢都預左。但我覺得最過分就係....佢地竟然收埋小小豬茶芥費用,我地帶左小小豬去食店咁多次,都係第一次有依個情況。可能係之前嗰啲店舖好人唔收我地,我都應該要慢慢習慣,小小豬都係時間要茶芥費啦!

點解依個POST係叫做快遊,咪就係因為係我地入餐廳坐低左之後,小小豬偷食左一粒仔花生,之後面仔就開始紅腫又扭計,我地估佢係因為對花生敏感所至。小豬爸見小小豬咁辛苦樣,所以食左一半之後,就即刻走,全部都打包返屋企食,仲開快左少少車(當然係安全情況下啦)等小小豬可以快啲返屋企添!(小豬爸真係勁錫小小豬呀)

返到屋企小小豬情況又好左好多,已經消晒紅腫啦!

唉....我真係失敗,咁都可以俾小小豬偷食到,下次我一定要好小心先得,唔可以再有咁情況發生呀!





**我的微博..關注吧**

沒有留言:

發佈留言