話月早係十二月初，我同小豬媽去完覆診過經吉野家，小豬媽就門口個宣傳版吸引左住，因為佢地開始有儲印花換叮噹活動呀(我都知已經改左名做多啦A夢，不過我都鐘意叫叮噹多啲...哈哈哈)！
小豬媽係叮噹FANS，所以由嗰日開始，佢地不停話好鐘意...好想要，叫我地去多啲吉野家換返嚟俾佢。講真，吉野家牛肉飯我又唔食得(因為我唔食牛嘛)，個雞飯我又唔鐘意食，所以換到機會都真係幾微。
不過，因為LULU妹提供印花，所以終於都換到啦！
先嚟換左兩個袋袋，一個俾自己，另一個送俾小豬媽~
個袋真係又大個大靚，如果有埋拉鍊就十分完美啦~
另外仲換左個叮噹暖水壺~
依兩樣就係我同LULU妹一齊送俾小豬媽嘅聖誕禮物，不過我相信小豬媽係會勁LIKE啦...哈哈哈！
**我的微博..關注吧**
沒有留言:
發佈留言