2013年2月28日星期四

愉快小聚

28 FEBRUARY 2013(THU)

今日晚飯過後入左小西灣,因為約左CARMEN同糖糖嚟個愉快小聚。

原本我地都打算去食糖水,不過原來小西灣係冇啲新穎糖水,傳統嘅又唔係我地杯茶,所以最後就去左麥噹噹食雪糕啦~


其實食乜都係其次,主要都係搵個地方傾計...吹吹水咁,開開心心過左一個鐘。不過,今日我就好失禮,傾傾吓情緒有少少唔好,希望冇嚇親佢地啦!

亦都要多謝佢地俾機會我呻吓,等我發洩左出嚟,心情即刻好左好多呀!(大家唔洗擔心,我依家心情已經回覆平靜,繼續開開心心過我每一天。)

除左傾計之外,其實今日都有另一個目的,就係早前迪迪尼六折時,我就好想買隻MINNIE俾小小豬,等佢可以有一對MICKEY 手 MINNIE陪佢瞓覺覺。不過就唔到時間,所以就冇入到去。當我廣發英雄帖之時,CARMEN就義不容辭幫我買左啦~

CARMEN除左幫我買公仔之外,仲請我食年輪蛋糕,聽就聽過好多次,亦都想試好耐,終於食到啦,真係好好味,我返屋企就已經俾我KO左半盒啦~


未收完禮物呀,因為糖糖都俾左份小禮物我,係我至愛嘅靚靚玉桂狗呀~


多謝糖糖同CARMEN陪我,等我過左一個開心、又食又拎嘅晚上!





**我的微博..關注吧**

2013年2月27日星期三

HAPPY BATHING TIME

28 FEBRUARY 2013(THU)

今日係我同小小豬洗白白嘅時候,LULU妹拎左一樣玩具出嚟,就係LULU好一位朋友仔送俾小小豬嘅水槍。

見小小豬玩得咁興奮,所以同佢影返輯開心出浴照啦(大家放心...我一定會緊守第三點,以免小小豬大個時怪責我呀...哈哈哈)~


之前都未玩過水槍,好有興趣究竟咁哦~



不過因為天氣都仲係凍凍地,所以都只係俾小小豬玩左一陣,等遲多少少熱天嘅時候,到時可以俾小小豬玩耐啲,又可以教吓佢點玩,等第日去沙灘玩時都可以帶埋去玩都幾好呀!





**我的微博..關注吧**

2013年2月26日星期二

古靈精怪為食仔

27 FEBRUARY 2013(WED)

今日都小豬媽為依個為食嘅小小豬準備左一個好豐富嘅飯後果。

一戴上口水肩小小豬已經既心急又興趣啦~



嘩...一見到碟又大又靚嘅士多啤梨&桑子,就即刻要搶住拎啦~

開始時都食得好斯文~




不過....好快就變成狼吞虎嚥啦,但小小豬個為食樣又真係幾古靈精怪呀~

食到單晒眼咁...哈哈哈~


基本上依一碟生果我地都只係食左幾粒士多啤梨,大大話話小小豬自己都食左一大半(不過小小豬對桑子又不太有興趣,都只係食左幾粒),小小豬真係一個士多啤梨怪嚟呀!





**我的微博..關注吧**

2013年2月25日星期一

開心仔仔

26 FEBRUARY 2013(TUE)

早排小小豬放學之後,都會要求去學校附近個公園仔玩。之後我都會俾佢玩幾次先走,不過自從有一日老師話佢上堂又嚟攪事時,所以我就懲罰佢,冇再俾佢去玩。當然每日小小豬如常扭扭計咁要求,我就同佢講因為佢返學唔乖,所以冇得玩!

餓左咁多日,小小豬今日終於可以有得去公園仔玩啦!

睇佢有得玩幾開心~

點解可以有得玩,就係因為老師讚小小豬有少少進步,上堂攪事情況就少左(只係少左....即係仲有攪事啦...真係激C人啦)。

見佢有乖左啲啲,所以就俾佢玩一陣,等佢知道做乖乖就可以有獎勵。

希望佢可以KEEP住越嚟越乖,係學校唔好再攪事啦!





**我的微博..關注吧**

2013年2月24日星期日

好一隻爛玩豬

25 FEBRUARY 2013(MON)

今日都唔知發生乜事,依個小小豬由放學開始,情緒都高漲到頂點,成個下午都不停係度好開心咁唱歌跳舞,就連瞓覺時都係度唱歌,攪到一直都唔肯瞓,幾經辛苦,終於都俾我捉到佢瞓著左。

瞓醒就繼續攪事,仲大膽到走上小豬媽張床,明意上就係陪休息緊嘅小豬媽,實際就係鐘意係張床上面跳跳扎。

近期成日都整依個扮嘢樣....好醜樣呀...哈哈哈~

一瞓底就係LULU妹捉住左~


捉住個百厭仔仲乜...咪就係俾LULU妹"吱..吱"啦~


最後小豬媽仲加入戰場添~

三個都想到傻晒,仲以為小小豬瞓醒會平靜啲,瞓醒就仲有足夠能量係度繼續高漲,真係冇佢收。不過見佢玩得咁開心,真係會令人開心返晒呀!





**我的微博..關注吧**

2013年2月23日星期六

奶奶生日

24 FEBRUARY 2013(SUN)

正月十五除左係元宵節之外,亦都係另一個節日,就係奶奶嘅生日。所以每一年元宵節嘅慶祝活動,就係同奶奶食晚飯慶祝啦!

今年當然唔例外,一家人同奶奶去酒樓食餐豐富嘅晚餐慶生日。由於奶奶唔食得蛋糕,少左切蛋糕依個環節,但壽包就一定唔可以少,所以我地就以壽包嚟慶祝。

睇吓依個為食小小豬,一見啲壽包幾咁興奮,成個急不及待嘅樣呀~


小小豬真係太愛啲壽包,就連我地影大合照時,佢都只係掛住拎個壽包,所以完完全全俾啲包包遮掩左呀~

今餐我地去左淘大稻香食,話時話依家稻香啲水準又真係好似好返啲,啲嘢食都算抵食又大碟,味道都算OK,價錢又唔貴,唯一美中不足就係啲職員服務就麻麻地,或者佢地真係太忙,所以要叫左佢地成四次先幫我拎張BB椅,後加碗白飯又係要叫好多次,最後啲餸都差唔多食晒,碗飯先到。如果可以改善埋依啲,咁就非常好啦!

就係咁,我地又開開心心過左一個晚上啦!





**我的微博..關注吧**