2013年7月31日星期三

游水受傷了

28 JULY 2013(SUN)

對上一次帶小小豬去佐敦谷嬉水池時,見小小豬都開始玩得投入,好鐘意玩滑梯之餘,仲已經開始唔驚水,仲可以自己係池度行嚟行去,所以我地都決定帶多啲小小豬去玩水,等佢習慣啲之後就教佢游水。

不過,自從上次之後,個天氣都真係唔係幾好,都有成個星期冇見太陽伯伯出嚟,係星期六日仲成日都落雨,所以都帶唔到小小豬去游水。

今日個天氣真係好好,為左唔好浪費個好天氣,所以參加完麥當勞開心體驗日之後,我地就返屋企換個件衫,休息一陣就準備第二個節目,就係去游水啦!

上次就係先緊張後興奮,不過今次就先緊張後興奮。因為一同佢講話去玩水,佢就極度不願意,又話唔去游水,真係俾小小豬激親呀!

先講返今次小小豬表現先,佢都算開始唔怕水,仲一見到個游池個滑梯時,就勁開心話要去玩,都不知幾開心又投入。如果游池可以影相就好,我就可以影低小小豬個開心玩水樣,係佢玩時真係笑得特別燦爛呀!

今次仲好叻,有兩次"SIR"滑梯時,"SIR"個力度太大,成個人都浸左落頭,小小豬冇哭之餘,仲識得自己企返起身繼續玩,真係大個仔啦!

玩左兩個鐘左右,我地就換衫走啦!睇吓小小豬幾唔捨得個游池~

今日雖然小小豬玩得開心,不過亦都有一件事係美中不足,就係小小豬受傷了~

其實我地開頭都冇留意到小小豬有受傷,不過當同佢換衫時,就發現佢腳仔界損左流血。我地估計可能係俾池邊啲磚界到,雖然流血情況都唔算多,不過為安全起見,都係係急救站消毒先返屋企啦!

2013年7月30日星期二

麥當勞 開心樂園餐 X 藍精靈2 博客開心體驗日

28 JULY 2013(SUN)

首先要多謝芝士餅媽媽介紹,我先可以應麥當勞/麥當勞公關公司邀請出席今次依個開心樂園餐博客歡樂聚餐~

今次主要是介紹開心樂園餐之外,亦都係介紹由8月2日起將會推出一系列共12隻藍精靈2嘅公仔。由於主題係藍精靈,所以成個場都有好多藍精靈呀~


當然唔少得率先欣賞嘅12款公仔啦~


小小豬一見到啲公仔都不知幾開心,仲睇到唔捨得走呀~


係活動未開始之前,麥當勞公關公司先送上精美小禮物,就是藍精靈2 Floder同磁石~

之後就先安排我地每人一份開心樂園餐,等我地可以邊食邊等大會安排的精彩活動。

開心樂園餐為了配合小朋友成長需要,仲提供了粟米杯、優品豆漿、高鈣低脂牛奶、荳奶、橙汁、熱朱古力、利賓納等...健康食品。更為小朋友設計『1+2+3開心樂園餐』,將套餐分為主餐、配餐同飲品三部分,等小朋友容易明白均衡飲食嘅概念,方便小朋友自己點餐~

哈哈哈.....咁簡單,小小豬都識得自己ORDER啦~

另外,原來消費者每購物一份『開心樂園餐』,麥當勞都會會捐出1亳子給『麥當勞叔叔之家慈善基金』,真係用餐之餘又可做善事呀!

小小豬ORDER嘅開心樂園餐嚟啦~


好一個為食嘅小小豬~


正當我地享受開心樂園餐嘅時候,麥當勞叔叔出嚟同我地打招呼,我當然唔放過同佢合照啦~


活動開始時,先由大會主持哥哥先作出介紹,之後我地就移到另一邊場地,去同麥當勞叔叔玩遊戲啦~


麥當勞叔叔仲帶領我地一齊跳舞,雖然小小豬唔敢出去一齊跳舞,不過佢都好乖乖咁坐定定欣賞其他小朋友跳舞呀~


玩完遊戲,麥當勞叔叔仲大派禮物添~


麥當勞叔叔真係可以帶俾人好多歡樂,在場每位朋友都玩得十分開心(包括我地三口子),我地仲一齊影相添~


係活動上見到芝士餅,即刻要同佢影相張,因為佢實在太可愛啦!不過因為場地比較窄,所以帶唔到小小豬去一齊玩,希望下次有機會可以再一齊玩啦~


剛才麥當勞叔叔送嘅其中一份小禮物係個筆盒,小小豬見到就即刻以為係鋼琴,仲即刻拎嚟邊彈邊唱,真係勁好想像力呀~


另一個開心時刻到啦,當然就係收禮物時間,小小豬對啲禮物好有興趣~


之後麥當勞姐姐仲嚟教小小豬玩,依個小小豬都不知玩得幾開心,仲唔捨得俾返姐姐添~


最後嚟張大合照,今日依個開心活動就完結了~

開開心心又過左一個下午,仲收到好多禮物添

啲藍精靈真係好得意,想換就要快手啲啦!由8月2日起分階段隨開心樂園就會附送,或可任何套餐(早餐及開心樂園除外)加8元換購一隻。

8月2日起:反一反阿威、氹氹轉精靈爸爸、 吹BB大想頭

8月9日起:跳跳紮為食鬼、閃閃請盡仔

8月16日起:圓波波百厭仔、 眼睩睩智多星、香噴噴檀餅仔

8月23日起:變變變美芝、抱抱大嚿、扭扭霸王妹、叻叻發明家

***活動中所享用的食物及飲品,獲取的禮物及活動中的特別節目是由麥當勞/麥當勞公關公司應是次活動特別安排予參加者的