2013年8月31日星期六

再見...YBLOG!! 記得LIKE我地個FACEBOOK專頁呀!!

1  SEPTEMBER 2013(SUN)

相信依幾日大家都有睇到就係BLOG界可以話大地震,因為YAHOO BLOG將會係10月30日開始進入唯讀模式,到2013年12月26日就會正式關閉服務。

當我聽到依個消息時,都真係幾震驚同擔心,有一刻真係想喊出嚟。因為寫開有感情,依個BLOG由我籌備結婚,到我小小豬依家三歲,真係一黠一滴在心頭,有好多好好嘅回憶係入面。

我亦都係依個BLOG識到好多朋友仔,又可以睇其他媽媽嘅BLOG去偷師,所以依家要CLOSE,都真係幾DOWN,覺得七年幾嘅心血真係冇晒啦!

雖然YAHOO都有為我地設想,提供左一個輕鬆搬家,可以將我地所有嘅文章同圖片轉去另一個BLOG,不過....上次升級系統我都有啲網誌同相片唔見左,所以真係唔敢抱太大期望,只希望可以順順利利過渡到,唔好MISS太多啦!

不過依家另一個頭痕問題,就係應該搬去邊好?

以我知道嘅就只有SINABLOG同BLOGSPOT,去睇其他朋友仔嘅網誌講,SINABLOG流傳都話會CLOSE,雖然唔知係唔係真,不過安全計都應該唔會係我第一選擇。

我都開左一個BLOGSPOT嚟試,感覺好似麻麻地,SETTING又好似好難咁,同埋最唔鐘意佢少左blogger之間互動,我唔識去睇其他朋友嘅BLOG呀!

依家都仍未確定之後會去邊度繼續我嘅寫Blog生涯,不過我仍然係會繼續寫,因為寫BLOG已經成為左我習慣。等九月二日小編輯出左關於搬屋嘅講解先再決定啦!

我都知道好多朋友仔係睇住小小豬成長,都係好錫小小豬,為左唔想同大家失散,為左所以就係FACEBOOK開左個專頁,咁就可以暫時有一個地方繼續同大家分享小小豬嘅成長,同埋可以知道我BLOG歸何處呀!

快啲嚟ADD我地啦~


https://www.facebook.com/kinseymama


仲有呀...如果大家搬左去邊,記得留意話我知,等我可以繼續可以去偷師,我都唔想同大家走失呀!

2013年8月30日星期五

迪迪尼 & 酒店HIGH-TEA

25 AUGUST 2013(SUN)

成個月天氣都唔係咁好,一係就太熱,再唔係就落雨,所以都成個月冇入過嚟迪迪尼。不過,八月係生日月,AP迪迪尼有小禮物同生日COUPON,所以今日就入去玩返轉啦!

之後幾次入嚟迪迪尼都唔見毛毛,今日終於都可以同到毛毛影相啦!雖然小小豬比較鐘意大眼,不過佢對毛毛都好鐘意,睇佢同毛毛玩得幾開心就知啦~


雖然入左迪迪尼,不過我地今日最主要行程唔係入嚟玩,係去酒店食HIGH-TAE,見未夠鐘所以就同小小豬去佢至鐘意嘅地方玩,就係玩水啦!

個傻豬仔真係玩得好開心又興奮呀~


玩到成身濕晒,又頭濕到落街,明乎其實係濕水豬呀~


玩到夠鐘,我地就轉戰去酒店嗰邊準備食HIGH-TEA,因為AP有可以有買一送一優惠,所以大肥豬就建議同我去享受一吓!

等食的兩母子~


食物就未到,先嚟食杯靚茶毛~

人飲佢又飲...不過小小豬只係飲水,哈哈哈~


嘩....好靚嘅HIGH-TAE嚟啦~


真係件件都好靚呀~


當然唔少得三口子嚟張靚相啦~


扮吓闊太先~


睇吓小小豬食得幾肉緊~


好乖乖嘅小小豬仲餵我食添,真係冧C左啦~


不過....叫佢同影相就掛住食,真係激C呀~


哈哈哈...個傻豬仔見大肥豬飲咖啡又要飲,只係輕輕一點就變晒樣,相信同我一樣都係唔"好"依啲杯中物啦~


我地享受左個幾鐘HIGH-TEA之後,就去酒店周圍行吓~


仲係個迷宮度玩得不知幾開心~


見小小豬玩得興起,所以我地又行埋去碼頭嗰邊散吓步~


碼頭嗰邊個FEEL真係唔錯,加埋啲海風吹埋嚟,感覺好舒服,好RELAX呀!

就係依個時候,同場有位伯伯係度做運動,依個小小豬就有樣學樣,學伯伯做運動,佢啲動作真係勁攪笑呀~

開開心心又輕鬆咁就過左一個同我預祝生日嘅下午,入迪迪尼咁多次,今日真係可以話最舒服同享受嘅一次。