2013年9月30日星期一

試食:米之王者 - JA新潟越光米

1 OCTOBER 2013(TUE)

今日有一個重要任務俾小小豬,就係將小小豬變成一個大廚,整好味又易整嘅三文魚蟹子飯團呀!

因為早前得到PR姐姐邀請,請我地試食一款珍珠米,就係優質嘅日本米之王者 - JA新潟越光米米(免洗米)~


原來依一款日本米係大有來頭,由日本政府轄下農業協會經營,白米從研究、培植至生產都一絲不苛,除了清楚掌握稻米的栽種資料,亦具備最先進的生產廠房,配合先進的精米技術及嚴密的品質監控,確保高度新鮮及優質,品質絕對有保証,讓人食得安心又放心。

而這款JA新潟越光米,產自新潟縣,屬日本米中最頂級。產自肥沃的土壤,而且用富有礦物質的雪山水灌溉,加上強烈的日夜溫差,令稻米長得慢結飽滿。此外,這種米不用沖洗即可直接加水煮食,免洗米的白米在磨製過程的最後階段,用精密設備將白米洗淨,無雜質、無米糠殘留,所以不用沖洗即可直接加水煮食。白米表面不殘留米糠,加水後馬上吸收膨脹,令每顆米飯都亮白剔透,香甜可口~

雖然係日本米,但配有中文的介紹及煮法指引,真係令我地睇得清楚明白呀~


其實介紹以礦泉水煮食,效果會更為香甜味美。不過因為唔記得左買,所以今次試唔到,留待下次啦!

今次煮出來都覺得白米顆粒分明,同埋當係電飯煲煮緊時,都有好濃郁嘅飯味呀~


其實有咁靚嘅日本米,當然係整最合適嘅飯團啦!雖然係簡單左少少,不過可以除左食之外,亦都係一個好好嘅親子時光嘛!

材料真係好簡單~


除左白米係主角之外,當然唔少得三文魚。不過因為我地同小小豬一齊食關係,所以我用左蒸嘅方法。先將三文魚蒸好之後,然後拆骨,變成三文魚碎~


所以材料齊備,小小豬就開始大展身手啦~


把煮好的米飯拌上切碎的三文魚,之後把一半的飯放入模~


再放上蟹子~


再放多一層米飯~

壓成三角形~


最後用紫菜包着飯團即成。~


唔好以為小小豬只係識食,佢整係依個飯團時都好專心。依六個製成品,除左一個係我整之外,其他全部都係小小豬自己整呀(當然大肥豬都有從旁協助佢啦)。

雖然有幾個可能壓得冇咁大力,所以散散地,不過以小小豬嚟講,佢都已經好叻啦~


睇小小豬依個為食樣,都知啲飯團好好食啦~


我覺得依隻米都好香,而且口感比其他珍珠米煙韌好多,黏性都好強,所以真係除左啱做飯團之外,都好適合做煮飯及煲粥等。所以嚟緊會再用依款米做多啲其他菜式,希望會成功,唔好浪費依隻咁靚嘅米啦!


我地嘅FACEBOOK專頁,你LIKE左未呀~


記得關注埋我地個微博呀~


仲可以電郵俾我地添~
 profile picture

沒有留言:

發佈留言