2013年10月1日星期二

節目推介:天下父母心 - 與孩同行

1 OCTOBER 2013(TUE)

其實一向我比例少留意港台節目,加上自小小豬返學之後,我地都想好好訓練佢嘅專注力,所以依家我地係屋企都真係好少開電視,平日都只係等小小豬瞓左之後,我地先會開電視睇,所以我其實真係MISS左好多劇集。好似衝2我都只係睇左五分一都唔知有冇。其實我都可以上MY.TV睇返啲想睇嘅節目,不過,一講到翻睇時,都已經大約知道啲劇情,我嘅興趣又會大減,所以我都真係好少去MY.TV睇返個節目。

雖然係好似MISS左好多好睇嘅劇集,不過為左小小豬我地都願意作出依個小改變。除左可以幫到小小豬之外,亦多左好多親子時間,真係利多過弊呀!

其實教小朋友真係一件好困難嘅事,我自問都唔係一個好媽媽,因為我嘅EQ真係好低,加上有時當小小豬做百厭事之後,都真係唔太知道應該係用啲咩方法去教好小小豬。好擔心當小小豬細個時教唔好,會影響佢之後嘅成長同生活,所以其實每一日都係面對一個新挑戰。

為左可以好好教好小小豬,我都會睇啲圖書,同埋好多朋友仔嘅BLOG,希望可以從中偷師,知多啲教小朋友技巧嘛!

就係因為我成日都MISS好節目,所以原來有一個好節目我地唔知道。今日大肥豬先同我分享,原來近排港台有一個好啱我地家長睇嘅節目:天下父母心 - 與孩同行~


依個節目原來係上星期二已經開始左,連十個星期二晚上七點係亞視播出。節目中會透過一眾兒童心理學專家...等,透過啲小朋友嘅個案,向我地授育兒秘笈對症下藥,從而提高孩子抗逆能力,從而解決管教子女的問題。

我上網翻睇左一集,覺得真係好有意思,又值得我反思同埋偷師。有咁好節目,當然要大力向大家推介啦!

如果大家同我一樣都MISS左依個咁好節目,可以上返RTHK個網站睇返呀!

教小朋友係一個慢長嘅路,希望大家都可以好ENJOY同加油啦!



我地嘅FACEBOOK專頁,你LIKE左未呀~


記得關注埋我地個微博呀~


仲可以電郵俾我地添~
 profile picture

沒有留言:

發佈留言