2013年10月13日星期日

迪迪尼合家歡日

14 OCTOBER 2013(MON)

今日係假期,剛好又係迪迪尼銀咭日,所以又可以約埋小豬媽、小豬爸同埋LULU妹一齊入去玩返轉啦~
Picture

不過亦都因為今日係銀咭日又係假期,真係勁多人,再加上今日又間斷咁落雨,既多人又落雨情況下,真係玩得唔係咁盡慶添!

今日第一個節目就係去睇3D,小小豬入園咁多次,今次都係第一次睇呀。因為小豬爸未睇過,再加上當時要避雨,所以就最好去室內活動啦~
Picture

開頭都好擔心小小豬唔鐘意睇會扭扭計,不過估唔到小小豬又幾OK,雖然開頭都唔多肯戴個3D眼鏡,不過之後就好專心,仲伸手想去捉啲3D效果添!

之後就到小小豬最鐘意環節(其實應該係我最鐘意...哈哈),就係去搵啲朋友仔影相啦!今次啲朋友仔係小小豬主動帶我地去呀!

首先就係PLUTO~
PicturePicturePicture

之後就到MICKEY~
PicturePicturePicturePicture

最後就到高飛~
Picture
PicturePicturePicture

繼續行程,原本小豬媽想同小小豬一齊影南瓜,不過依個百厭仔鬧緊情緒,所以就小豬媽自己影啦~
PicturePicture

小小豬為乜緊情緒?咪就係因為要去玩小小世界!

入嚟咁多次,都係第一次咁多人呀!其實我都打算走唔排,不過小豬媽同小豬爸都話小小豬鐘意,就陪佢排一陣啦!(又一次證明佢地鍚到依個小小豬燶呀)~
Picture

不過好在都算排得快,排左唔洗三十分鐘就可以上船啦~
PicturePicture

今日第二個第一次..就係睇酊雨天巡遊啦~
PicturePicturePicture

講真...真係有少少失望,當時又唔係大雨,仲乜唔做返飛天巡遊哦?小小豬都好鐘意睇巡遊嘛!不過.....我地都要尊重迪迪尼決定,留返下次入園再睇巡遊啦!

終於都到左小小豬最想玩嘅活動,就係去明日世界玩水啦!

不過玩水前要先去渣車先~
Picture

開始玩水啦~
PicturePicturePicture

今之入園帶左個小盤去,原來係想等小小豬問完哥哥姐姐拎糖之後放入去。點知原來今日係連派糖活動都冇,冇得玩添!不過帶左入去都冇白帶,因為小小豬係玩水時竟然識得問我地拎嚟玩呀~
PicturePicturePicturePicturePicturePicturePicture

 由於天氣都唔係咁好,所以我地行埋SHOP之後就走啦~
PicturePicturePicture

小小豬今日嘅戰利品,小豬媽送嘅大眼帽...型仔嗎~
Picture

今日雖然玩得唔係太盡量,不過一家人一齊玩又真係幾開心,期待下一個銀咭日,又可以一齊入嚟玩啦!

沒有留言:

發佈留言