2013年10月14日星期一

走佬 ??

15 OCTOBER 2013(TUE)

今日正當我地準備晚上嘅圖書時間嘅時候,小小豬突然間就做左依一個攪笑嘅動作,就係將書架上嘅兩個書包,再加一個斜咩袋,全部咩晒係身,唔知佢係唔係想「走佬」呢~
Picture

哈哈哈...真係俾佢激C,一咩左上身就唔肯除。雖然啲袋仔入面都係冇嘢,基本上都係唔重,佢一次過咩兩個書包仔,唔知佢熱唔熱呢? 成晚嘅故事時間又係咩住晒三個袋仔,不過佢又好似好ENJOY,所以我都由得佢。終於成個鐘嘅故事時間都係咩住三個袋,直至覺覺豬先除落嚟。

講起咩書包,真係不得不讚賞一吓依個百厭嘅小小豬。平日同佢返學/放學,由出門口嗰一刻開始,佢就要自己咩住個書包,就算行嗰條又長又斜嘅樓梯上山返學,都仍然堅持要自己做。書包仔入面都有少少斤兩,加上天氣又熱,見佢背脊都濕晒,我話幫佢拎佢都唔肯。

某程度上我都有為小小豬依個行徑開心,因為依一種都係自理嘅表現,佢識得自己的事自己做,証明佢又大個仔左啲啲嘛!

沒有留言:

發佈留言