2013年10月17日星期四

練習表演 ???

16 OCTOBER 2013(WED)
我日我地返左小豬媽屋企食飯,食完飯之後,依個百厭嘅小小豬又嚟攪事,睇吓佢做左啲乜~
Picture

依個小小豬都好似有文有路都著衫哦~
PicturePicturePicturePicture

相信小小豬依家都係練習緊著衫褲,如果大家有需要搵人做慈善活動表演,可以考慮吓搵小小豬呀!但唔知有冇善長人翁會贊助呢...哈哈哈!

唔知有冇朋友仔知道小小豬著左幾多件衫褲呢?等我開估啦,佢當日就著左五件衫同四條褲。佢著完之後仲可以係屋度周圍行,你都唔好話佢唔利害,仲逗到小豬媽不知幾開心,笑唔停呀!

亦都因為咁,係小小豬揀衫著嘅時候,成個櫃俾佢反轉咁,又要麻煩我幫佢全部摺過晒,嗰一刻真係好想罰佢呀!

不過,今次百厭都係一啲冇傷大雅事,所以偶然俾佢玩吓都可以接受。

對住小小豬有時真係唔知好嬲定好笑,都唔知佢依邊度學返嚟,不過睇見佢依個行徑,即係話佢又識多一樣嘢,起碼俾我知道小小豬依家著衫褲係叻左,咁都未嘗係一件好事!(係唔係幫小小豬找一個百厭的藉口呢...哈哈哈)

沒有留言:

發佈留言