2013年10月31日星期四

栗子炆排骨

30 OCTOBER 2013(WED)

今日行街市時,見到好多店舖都有栗子賣,見大家買得咁開心,我又跟風買左半斤。原本係打算整光波炒栗子,不過今日我又買左排骨,所以最後都係整左栗子炆排骨~
Picture

開頭諗住係炆,都怕會麻煩啲又難煮啲,不過原來都幾易呀!

成個煮餸過程相信都係將栗子去殼係最困難,好在買返嚟嘅都已經去左大半個殼,我只係將下半部分去埋,之後用滾水過面浸約十分鐘,咁就可以比較容易清除晒啲栗子衣啦~
PicturePicture

排骨用胡椒粉、生抽、糖、油和水拌勻醃好備用~
Picture

先將鍋下油燒熱,爆香薑片和蒜蓉,下排骨炒至金黃色後灒酒。

栗子略略兜勻,再下少少蠔油炒一陣,加水剛蓋過栗子和排骨,上蓋轉小火炆煮約二十五~
Picture

之後轉回大火煮滾,埋芡汁兜勻後,就完成啦~
Picture

其實依個餸我都係第一次煮,可能係兜勻栗子嘅過程我大力左少少,所以攪到啲栗子散散地,唔係完整嘅一粒粒,所以個賣相就差左啲,不過個味道都冇影響,因為大肥豬都話好好食,仲話可以再ENCORE添!

趁依家入秋係栗子當造季節,等我多啲整栗子先得!(因為我真係好鐘意食栗子呀...哈哈哈)

沒有留言:

發佈留言