2013年10月6日星期日

鯉魚門三家村

6 OCTOBER 2013(SUN)

今日雖然我地近近地只係去鯉魚門三家村行吓玩吓,不過估唔到小小豬今日會咁開心呀~


其實開頭都冇PLAN好入鯉魚門玩,見咁好天氣留係屋企又真係好似好浪費咁,所以就近近地入三家村行一轉,原本都只係打算簡簡單單咁行吓海邊,等小小豬睇吓朋友仔釣魚,想從中訓練佢嘅耐性。不過最後,估唔到我地冇睇到釣魚,反而有好多節目,仲玩得好開心添!

行過見到個懷舊玩意- 跳飛機。我記得我小學時代,一當小息時間都會去操場同同學仔排排隊去玩依個玩意,不過隨著年紀開始大,加上依家又唔多地方有得玩,所以今日見到又嚟懷舊一番,小小豬見我地跳又跟埋跳一份啦~


之後我地就去海邊行吓,等小小豬睇吓個海,睇吓啲船~

不過,正當我地兩父子好陶醉望海時,小小豬見到身旁有位姐姐玩緊拋石仔,佢又話想買。我地見四周環境都算可以,小小豬拋石仔都唔會整到自己同埋其他人,所以就玩吓啦~


小小豬玩得真係好開心呀~


始終拋石仔都唔可以玩太耐,所以玩一陣我地就要小小豬休息,食吓餅餅飲飲水。

之後玩吹泡泡啦~


就係依個時候,俾小小豬發現左地玩泡泡附近,有一個小公園,既然係佢發現,就俾佢玩一陣啦!

不過,真係估唔到小小豬咁大膽,盪鞦韆可以咁玩法,都真係唔知好嬲定好笑啦~


個傻仔仲係小公園開個唱,不停口又嚟唱歌呀~


今日小小豬真係玩得好開心,好少見佢笑得咁燦爛,見到佢咁開心嘅樣,真係會令到我地都開心埋一份,依啲咪就係叫做...你快樂所以我快樂!



我地嘅FACEBOOK專頁,你LIKE左未呀~


記得關注埋我地個微博呀~


仲可以電郵俾我地添~
 profile picture

沒有留言:

發佈留言