2013年10月5日星期六

HAPPY POTTY

5 OCTOBER 2013(SAT)

前幾日收到件網上購買嘅睡袍之後,今日又收到另一件係FACEBOOK外國代購嘅產品,就係依一SET三件嘅POTTY用具啦~


先嚟一個腳踏,不過其實屋企同類型都已經有,雖然係以CARS做主題,即刻靚左好多,不過我當然主要唔係為左依件嚟買依個套裝啦~


第二件就係依個兒童廁板~


其實之前小小豬都係用POTTY去便便,不過原來學校佢地都係用小朋友嘅廁所,形式上係同POTTY有少少唔同,為左幫小小豬可以習慣性啲,等佢返到學校時都可以方便啲,所以就想買個小廁板加上去啦~


哈哈哈...小小豬坐上去又幾啱位哦(當然係因為做緊示範,所以著住褲仔嚟坐,咁就唔洗怕影到重要部位啦....呵呵呵)~

令我的起心肝去訂依一SET用品,就係因為依一個,外出使用嘅廁板~


雖然小小豬都比較少係街上去便便,不過我好記得有一次當我地行緊街街時,小小豬突然話要去便便,場內的洗手間又有兒童廁格,啲廁板又真係非常"乾淨",但小朋友又唔可以叫佢忍,所以我就"的"起左小小豬,等佢可以去便便。小小豬當然唔肯咁去便便啦,所以嗰次真係攪左好耐,小小豬又好扭計地先有少少便便。

自從嗰個經驗之後,我就諗如果有一塊小朋友外出用嘅廁板咁就好,即可以乾淨啲,小小豬又可以坐得舒舒服服咁便便,終於我就買到啦~

小小豬又嚟示範先~


睇吓佢個衰衰樣,似係度投訴要佢做咁耐B模哦...哈哈哈~


雖然依家外出又要帶多樣嘢,不過依塊板都唔太重,又摺得細啲,所以都算方便。同埋都只係有需要嗰日(即小小豬出街街前都未去便便),或者去遠啲嘅地方先帶,所以我又會覺得OK呀!



我地嘅FACEBOOK專頁,你LIKE左未呀~


記得關注埋我地個微博呀~


仲可以電郵俾我地添~
 profile picture

沒有留言:

發佈留言