2013年10月20日星期日

別了....YAHOO BLOG

19 OCTOBER 2013(SAT)

今日應該係我最後一次係YAHOO BLOG打網誌,因為打埋依篇之後,我就會開始進行搬家活動,所以真係要正正式式咁同YAHOO BLOG SAY GOODBYE啦~

講真.....我真係十萬個不願意,因為依個小小嘅地方都打左八年有多,亦都係我最有恆心做嘅一件事,因為真係冇諗過可以KEEP住打BLOG打左咁多年,已經好似變左一個習慣,真係有一日唔打就好似好身痕咁。

講真,我都試過去其他地方嘗試開始我嘅新BLOG,但冇一個地方可以好似YAHOO咁方便又簡單易用。雖然唔想,不過亦都因為YAHOO政策問題,真係唔到我唔放棄依個咁好嘅地方呀!

係度都真係要多謝YAHOO,俾左一個咁好嘅分享平台,等我可以依依個小小嘅網誌上同大家分享我一家嘅生活傻事。我地共有六百多萬累積瀏覽量都真係唔係少數目,所以我亦都要多謝大家支持我地呀!

好啦.....大家請BOOKMARK依個新LINK啦!

http://kinseymama.mysinablog.com/


哈哈哈...我個新地盤就係去左SINA啦!

其實當知道YAHOO BLOG會結束時,我第一個想法就係想轉去SINA繼續打BLOG,不過當時睇到啲網友仔話,SINA之後亦都會結束BLOG,我都好擔心轉左BLOG之後冇幾耐就又要搬,所以就冇再考慮SINA了。

直 到早排收到SINA嘅邀請,想我轉移網誌去佢地嗰度,所以我就打電話同佢負責人傾,經負責人好詳細解答我依個問題少婦之後,終於知道SINA係冇打算結束 BLOG,仲打算進行優化添。既然唔會結束,加上佢又會幫我進行搬家依個煩惱嘅工作,所以我就決定個主BLOG搬去SINA了。

坦白講,需要有個開始左用新BLOG,不過我都仍然仲係學習階段(始終覺得都仍然係YAHOO最好用...唉),加上我又係電腦白痴,都唔知可唔可以適應到。


所以如果唔介紹,記得LIKE小小豬個FACEBOOK專頁,咁就可以有我地嘅最新消息啦!


https://www.facebook.com/kinseymama



雖然搬去SINA好似另類左啲啲,不過如果你冇SINA BLOG,都一樣可以留言,一樣可以繼續同我地傾計呀!

所以希望你地會繼續支持我地,繼續一齊見証小小豬嘅成長,所以好希望大家可以繼續去我個新BLOG支持呀!

沒有留言:

發佈留言