2013年11月30日星期六

為食豬返嚟啦

28 NOVEMBER 2013(THU)

返嚟啦...返嚟啦...依個為食豬返嚟啦~
Picture

小小豬一向都係為食仔,麵包...餅乾...糖糖咁佢都一定愛不釋手,一見到就一定要食。當然小小豬同一般小朋友一樣,都食飯都唔係咁大興趣,不過為著佢嘅為食,每一餐都會合作食一碗飯。

不過,唔知小小豬發生咩事,由上兩個星期開始就好似失常咁,每日嘅午晚兩餐飯都食得好"乖",只係食半碗都要用好大氣力(我指係我用好大氣力,因為不停叫佢食,都幾勞氣呀!)

諗左好耐,都唔知係乜問題,係我煮得唔好食?不過之前都係食依啲嘢。食濟左?依個情況都只係食飯時出現,食其他嘢係冇問題。所以我都真係唔知發生咩事,都幾頭痕呀!

我依個擔心終於都開始釋放啦,因為由尋日開始,係我地冇乜做過特別事嘅情況下,小小豬慢慢正常返,仲比之前叻仔,因為次次都食兩大碗添!

睇佢食得幾得戚,見佢依個衰衰樣,我都安心晒啦~
PicturePicture

小小豬要KEEP住繼續"曳"呀...哈哈哈!

2013年11月29日星期五

《風起了》優先場送戲票活動

24 NOVEMBER 2013(SUN)

今日有個小活動同大家分享,宮崎駿嘅FANS一定要留意,因為Yes-Parents送《風起了》優先場戲票呀~
Picture

其實宮崎駿嘅退休,真係令好多人都覺得好可惜,相信好多人都同我一樣係睇宮崎駿卡通片大,我都係宮崎駿嘅小FANS嚟,基本上佢套套都睇晒,仲一定會買碟返屋企,尤其佢套《龍貓》同《天空之成》,我都睇左NNNNNNN咁多次,真係睇到識背啦...哈哈哈!

由於宮崎駿的退休,所以依一套《風起了》將會成為創作生涯最後一部作品,所以真係特別另人期待呀!

《風起了》這部萬眾矚目的動畫巨作,揉合了零式戰鬥機的設計者堀越二郎在動盪時代下,努力追夢的故事;以及作家堀辰雄的同名小說『風立ちぬ』中,主角和患有肺結核的美少女之間,一段教人盪氣迴腸的青蔥戀情。電影主題:「活下去」,亦正正是這位已年屆72歲的動畫大師,為鼓勵當下正面對艱難時期的民眾而發放的訊息,意義非凡。

故事大綱: 上世紀20年代,熱愛飛行的男孩堀越二郎夢想有日可設計出自己的飛機,翱翔於無際的天空上。經歷了1923年的關東大地震及其後的大蕭條年代,二郎成功到東京入讀大學;畢業後他成為了航空工業的新銳精英,更重遇十年前在火車上邂逅的女孩菜穗子。可惜菜穗子已身患重症,但她仍不惜一切留在二郎身邊送上鼓勵…來自愛情的動力及努力不懈的打拼精神,二郎的飛行夢想終於實現,研發出劃時代的「零式」,卻同時被逼捲入醜惡的戰爭之中…

想睇電影預告片,可以去CLICK入嚟啦:
http://www.yes-parents.com/knowledge/article/T3/T3C500513.yp

想免費去睇《風起了》優先場,只要參加Yes-Parents舉行嘅活動"讓夢想起飛",咁就有機會可以睇到啦!參加辦法可以瀏覽以下網址:http://woobox.com/bgk768

宮崎駿《風起了》優先場:
日期: 2013年12月14日(六)
時間: 上午10:00
地點: 銅鑼灣 MCL JP Cinema

2013年11月28日星期四

毛公仔助學同樂日@IKEA

23 NOVEMBER 2013(SAT)

今日小小豬化身成為一個小小推廣員今日參加了,因為獲邀出席毛公仔助學同樂日,支持IKEA毛公仔助學行動呀~
Picture

 嚟到會場,第一時間就係為小小豬換件大會預先準備嘅靚靚戰衣同帽仔先,都幾有型呀~
PicturePicture

平時小小豬一嚟到依個場地,都一定會去玩個小電腦(因為屋企佢冇得玩電腦嘛),今次嚟到佢仲唔大玩特玩~
PicturePicturePicturePicture

活動場地都佈置左好多今次依個主題嘅擺設呀~
PicturePicturePicturePicture

係未開始活動之前,大會好細心為先我地準備左一啲兒童餐,有迷你芝士火腿三文治、迷你蛋沙律三文治、迷你肉丸漢堡包及有機飲品,好豐富呀~
PicturePicture

有得食個為食豬就一定係最開心呀~
PicturePicturePicturePicture

活動開始啦,先由IKEA負責人向我地講解一吓今次活動目的。今年是宜家家居第 四年在香港舉行『毛公仔助學行動』,於全球更是連續第十年舉辦啦~
Picture
Picture

之後就由助兒童會同我地分享佢地機構,同IKEA合作幫助有需要嘅小朋友嘅經過~
PicturePicturePicturePicturePicturePicture

今年九月,IKEA便與救助兒童會一同到訪羅馬尼亞山區作慈善探訪,其中一位探訪姐姐同我地分享各種點滴~
PicturePicture

最後以故事形式,向我地講解助學行動的意義~
PicturePicturePicturePicturePicture

各位大小朋友都乖好留心地聽呀~
Picture

終於都左今日嘅重點活動,就係各位小朋友充當推廣員,推著一車的毛公仔向顧客介紹這個助學行動,幫忙推銷毛公仔,為IKEA助學基金籌集善款呀~
Picture

出發時先來大合照~
Picture

小小豬已經急不及待出發啦~
Picture

初時小小豬都好似好合作咁幫手做推廣員~
PicturePicture

終於都等到第一位客人啦~
PicturePicturePicture

雖然開初小小豬都好合作,都有幫手,就算唔肯講都會企係我身邊。不過隔左一陣,小小豬嗰種怕羞性格又嚟,所以最後都係唯有子債母還,由我去賣公仔啦~
Picture

我地賣左大約45分鐘,活動就完成啦~
Picture

雖然小小豬都唔係一個稱職嘅推廣員,不過大會都有送張感謝狀同小禮物俾依個小義工呀~
PicturePicture

最後嚟張開心大合照,今日依個咁有意義嘅活動就完成啦~
Picture

我自己就覺得依個活動真係好有意思,既可以俾小朋友明白施比受更為有福,互相幫忙的重要之外,亦都係俾小朋友一個好好訓練,等佢地接觸唔同嘅陌生人,練習一吓膽量同與人溝通技巧。 雖然小小豬今日表現真係未如理想,不過希望下一年可以繼續有份參加,等佢學習幫助別人呀!

由於我地之後有其他活動,所以都留低食大會為我地準備嘅小吃,同埋唔記得今日再自己買公仔支持吓添(其實我地自己嚟IKEA行街街,小小豬都已經買左隻BEAR BEAR支持啦)

不過唔緊要,由即日起至2014年1月4日,凡購買任何毛公仔,IKEA基金會便會捐出$10予聯合國兒童基金及救助兒童會的助學計劃。所以下次嚟一定要帶"大灰狼吃掉小紅帽婆婆"返屋企,等同小小豬講故事時可以用呀!

其實為配合活動,所有毛公仔都會還有85折,有啲公仔特價後只是$7.9,但IKEA照樣捐出$10善款,所以真係非常值得支持呀!

此外,大家仲可以將買來的毛公仔放喺出口「愛心收集箱」, 毛公仔就會轉送畀有需要嘅小朋友,將愛心傳開去!

想了解多啲IKEA,可以去佢地網址:WWW.IKEA.COM.HK  或者FB專頁:https://www.facebook.com/ikeahongkong