2013年11月15日星期五

宜家攪攪陣@39個月大的小小豬

10 NOVEMBER 2013(SUN)

又到每月十號,即係小小豬又大一個月,不知不覺小小豬已經係三十九個月啦!

依一個月都係都係差唔多,我覺得最大進步就係講多左嘢(尤其係國語),有時都可以聽我地講一本故事幾次之後,都識得講返俾我地聽,所以我相信過多一兩個月,小小豬言語方面都會有好大改善,話唔埋識得好流利咁駁咀啦~
Picture

剛好今日又係放假,原本都打算PLAN好入海洋公園玩,等小小豬探吓佢個好朋友-海獅。不過,今日個天就唔多合作,一朝早就落雨,需要都係落左一陣,但都怕入去就會再落過,所以為安全計都係改善計劃,去行吓商場玩吓啦!

我地當然又係去MEGA BOX啦(因為近地我嘛),去得MEGA BOX,第一個目的地就一定係IKEA,因為大肥豬真係好鐘意行IKEA,仲有好多嘢係啱小小豬玩呀!

由於依家IKEA開始左毛公仔助學行動,所以周圍都有好多毛公仔~
Picture

佢地兩父子仲係度用公仔嚟講故事,由三隻小豬故事改篇為三隻小狗~
PicturePicture

三隻小豬入面嗰隻大灰狼就改篇為大鯨魚,有時我都真係好佩服大肥豬,因為佢為左令小小豬鐘意聽故事,佢真係會時時刻刻都同小小豬講,就好似今次都可以揀在場嘅公仔配合故事,我自問真係冇依個腦筋,所以如果有全能爸爸選舉,相信大肥豬都一定有名次呀~
Picture

玩完毛公仔,我地就繼續行,行到有一個兒童小電腦時,小小豬去左玩配對,見自己配啱時佢笑得幾開心~
Picture
PicturePicture

行過兒童房間,見到有得畫畫,小小豬又走埋去畫圖案~
PicturePicture

最後行過兒童天地,亦都係小小豬至愛嘅地方,因為好多玩具玩呀~
PicturePicturePicturePicturePicturePicturePicturePicturePicturePicture

我地全程睇住小小豬,見小小豬玩得咁開心又乖仔,所以都冇睇住個時間,不過估唔到今日我地係IKEA足足行足(其實係玩足)兩個幾鐘,真係估唔到玩左咁耐。不過IKEA有咁多唔同種類嘢玩,又好難唔玩咁耐嘛...哈哈哈!

沒有留言:

發佈留言