2013年11月14日星期四

萬千寵愛

9 NOVEMBER 2013(SAT)

依幾日小小豬又收到好多禮物,分別來自唔同錫佢嘅人呀!

第一個當然最錫佢嘅小豬媽,買左好多嘢呀~
Picture

早前迪迪尼六折購物時,原本我都好想自己入去血拼,不過始終唔都抽唔到時間入園。最後小豬媽抵咁多,唔買嘢都好似唔係幾好咁,所以就係優惠最後嗰日,情商LULU妹入去幫佢買嘢,聽講佢地係以WHATAPP購買,最後就買左咁多戰行品啦!

其實LULU妹買唔止咁少,佢仲買小豬媽買左啲其他嘢,所以加加埋埋今次都係平左好多呀!見佢地講得好興奮,攪到我都好想去買埋一份,希望下次迪迪尼AP大優惠時,我都可以入去掃貨啦!

自從買左個停車場之後,我話過小小豬有三部車仔,應該係夠玩,所以唔會買住。雖然我唔買,不過小小豬個停車場話咁快又加添左好多車仔啦!

首先就係嘉汶表妹嘅神秘驚喜禮物,真係扺個豬仔記得表姨個電話號碼呀.....哈哈哈~
Picture

仲有LULU妹送嘅車仔,近排我地教緊小小豬認識服務市民嘅人員,亦都有教佢認依啲車,估唔到LULU妹咁醒目,買依三部車仔,等小小豬邊玩邊學呀~
Picture

最後就係小小豬舅父同舅母送嘅,雖然唔係停車場用,不過小小豬都一樣啱玩,可以俾佢帶出街玩。依期個豬仔真係勁愛車仔呀~
Picture

依個百厭嘅小小豬都唔知點解有咁多人錫,成日都收到好多禮物(哈哈哈...作為媽咪嘅我當然係勁開心啦...因為可以慳返啲啲嘛!)!

沒有留言:

發佈留言