2013年11月5日星期二

小小豬的大驚喜

3 NOVEMBER 2013(SUN)

今日下午我地三口子過左太古城,陪小豬媽食TEA兼SHOPPING,就係咁....小小豬又呃左小豬媽一份大禮物啦!

睇吓小小豬玩得幾開心~
Picture

事緣今日同小豬媽食完TEA之後,我地就去左行玩具反斗城(基本上都可以話係指定動作),每次去到都一定去TOMY車仔嘅位置玩吓。

今次小小豬都玩左成十幾二十分鐘都唔肯走(好在當時冇其他小朋友),叫佢去另一個位置玩又唔見願意,最後小豬話佢實在忍唔住,佢話見小小豬玩得實在太開心,所以要買俾佢返屋企慢慢玩呀!

雖然我都知小小豬係好鐘意,不過開頭我都係唔讚成,因為唔想俾小小豬覺得買玩具係一件好簡單嘅事。係小豬媽不斷游說後,見到小小豬知道有得買時嗰個既興奮又肉緊個樣,最後我同大肥豬都心軟了,答應買返屋企啦~
Picture

不過,原來買依個停車場係唔包車仔,所以我都買左兩部小車~
Picture

小小豬一知道我地俾左錢之後,佢個開心樣即刻出哂嚟,仲要自己拎返屋企,唔俾我地幫手,睇見佢三斤拎二斤個樣,真係勁攪笑呀~
PicturePicturePicturePicture

原本打算返屋企先開嚟玩,點知心急嘅小小豬同小豬媽都話要即刻玩。

大肥豬同小豬媽好努力為佢地至愛嘅小小豬砌停車場~
PicturePicture

完成啦~
Picture

依個心急豬當然要即刻玩啦~
PicturePicture

仲同小豬媽一齊玩添~
PicturePicturePicture

唉....無底深潭開始,Tomica出啲咁好玩嘅停車場真係好毒,係毒我地啲媽媽不停買車仔同配件,點解小小豬會咁鐘意玩TOMY車仔呀!

慶幸小小豬都仲細,暫時唔識追款,同埋未知有其他配件,所以應該有一段時間唔洗咁快再繼續買。

不過就算再買都係要等佢乖仔先可以買,唔可以習慣咁輕易買到心頭好呀!

沒有留言:

發佈留言