2013年11月22日星期五

我的榮幸....成為星級BLOGGER

14 NOVEMBER 2013(THU)

今日中午收到《MyBB號外》編輯的電郵,邀請加入成為他們的星級BLOGGERS。當睇到電郵嗰一刻,我真係好興奮,亦感到受寵若驚呀~
Picture

雖然我的網誌大多數都係分享小小豬嘅生活點滴,又分享一吓佢嘅既傻又可愛嘅靚相。但都慶幸漸漸累積了少少的人氣,所以對寫BLOG亦有多了一件堅持。

都已經成為媽媽三年有多,不過到現在我都仍然覺得我自己係一個新手媽媽,好多嘢我都係唔識,所以同大家分享育兒心得就真係講唔上,因為我仍然都有好多地方要學,學做一個滿分媽媽。

因為依個原因,我都好鐘意睇其他媽媽BLOG,可以去偷吓師,同時又可以大家互相交流一吓照顧小朋友嘅心得。所以有myBB.com.hk依一個集中分享親子育兒的生活點滴的網上平台,等我地可以分享大家嘅生活點滴,對我地一眾媽媽嚟講,都真係唔錯呀!

真係要感謝myBB.com.hk對我依個小小網誌嘅賞識呀!雖然我個小小網誌唔可以教到大家什麼,不過希望大家見到我家小小豬嘅既傻又可愛嘅樣時(哈哈哈...因為每一個媽咪心目中都係覺得自己小朋友係咁嘛),可以令大家開心,咁我依個BLOG就成功啦!

如果大家有興趣,可以去我埋myBB.com.hk嘅網誌睇吓呀!

http://www.mybb.com.hk/home.php?mod=space&uid=8530

沒有留言:

發佈留言