2013年11月13日星期三

CIAO! 點煮BLOG 體驗夜

9 NOVEMBER 2013(SAT)

繼尋晚去左迪迪尼電影分享活動之後,今晚我又有得去玩啦!

真係要係度公開鳴謝我個好老公,因為佢知道我有得出去玩時,都好願意放我出去,等我除左湊住個小小豬之外,都可以去見識一吓,順便去放鬆一吓。

所以連續兩晚都冇啖好食之餘,仲同小小豬係屋企博鬥,等我放心去玩呀!

今晚就係應點煮BLOG邀請,出席佢地嘅CIAO! 點煮BLOG 體驗夜~
Picture

今日我地活動地點就係觀塘嘅官中站,其實我都係第一次去工業中心嘅樓上店食飯,所以開頭都有啲緊張。不過原來外表就係一個工業中心,不過入面佈置都幾靚呀~
Picture

今次活動除左等我地一班BLOGGER互相交流之外,仲介紹點煮Blog簡介及意見交流。不過另一個特別就係由點煮網各負責人現場為我地烹調的意式晚餐,部分空運到港食材由意大利食品公司Buonissimo贊助。

所以一到場就見到各負責人好努力咁為我地準備食物啦~
PicturePicture

我地邊傾邊等邊食,睇吓我地有乜好嘢食,好豐富呀~
PicturePicturePicturePicture
PicturePicturePicture

除左個意粉之外(因為我唔食牛肉),其他樣樣都好好食,可能係睇住佢地整嘅關係,所以食到嗰味道之外,亦都見到佢地好用心咁整,即刻覺得更加好味呀!

席間點煮網負責人為我地講解點煮網及BLOG嘅介紹,其實我之前都係點煮網申請左個BLOG BACK-UP,所以都會考慮之後係點煮BLOG都分享埋我個小BLOG。我都提出左希望可以係BLOG上允許一次過上載多張圖片,負責人表示都會好快就完成依個情序,咁就可以寫BLOG都會快啲同方便啲啦~
Picture

最後,大會仲請左一位食物攝影師嚟為我地進行食物攝影工作坊,教我地點可以將一份食物影得好靚咁放上BLOG同大家分享。原來簡單咁影一張相,都要考慮好多嘢,要擺得靚之餘,又要點綴得好,仲要配合埋光線,所以影一張靚嘅食物相都真係唔易呀~
Picture

雖然今晚活動比我預期中晏左少少,不過食到好食物,又可以學到影靚相,所以都OK啦!

原來點煮網各負責人都係廚藝高手,唔知佢地幾時可以開班,教吓我地煮嘢食呢?如果係我一定係第一個報名呀...哈哈哈!

沒有留言:

發佈留言