2013年11月7日星期四

MyBB試用小隊 - 試穿葆露絲日本功能內衣

6 NOVEMBER 2013(WED)

首先要多謝MyBB試用小隊嘅試用活動安排,唔洗等小小豬專美,今次輪到我參加試用,就係試穿葆露絲日本功能內衣,我仲收到一份小禮物添~
Picture

雖然葆露絲都有好多年歷史,加上都勁有名氣,不過我今日都係第一次踏入佢地嘅店舖,講真....開頭都有啲緊張同擔心呀~
Picture

係招待處等左一陣,內衣顧問就帶我入一間獨立房間,以講解流程、度身同填寫資料,完全係一個既舒適又安心嘅環境之下,去了解自己的身型~
Picture

進入獨立房間前,都需要換上用完即棄的紙拖鞋,感覺衛生呢~
Picture

 今日嘅流程~
Picture

與內衣顧問傾談一陣之後,了解我的日常生活及穿內衣習慣之後,就開始要度身。為左測量數字準確,所以要將所有衣物脫下(內褲就不需脫下)。為免尷尬,顧問都會給一條薄身嘅吊帶裙俾我著~
Picture

內衣顧問亦都好細心,為我準備了一件睡袍,等我係傾談時著住,唔會冷親呀~
Picture

內衣顧問很溫柔又細心地為我量度體重、身高、三圍,之後去為我以電腦會出一份黃金比例六角圖(唔知有冇記錯個名,因為唔可以影底呀),比較一下依家我嘅身形同標準差距多少。

講真,一向我都知自己係帘偏肥,尤其係生完小小豬之後又冇修身(係冇恆心去做依一件慘事),所以都知自己身型唔係好。不過一睇個報告,真係有少少驚嚇,因為我嘅下圍係嚴重重災區,與標準身型都差距幾遠,聽完之後自信心都嚴重受打擊呀!

聽完內衣顧問向我分析身型依個慘況之後,就到試穿功能內衣啦! 內衣顧問為我準備了整套的功能內衣,包括內褲、束褲、胸圍、束衣及腰封。內衣顧問為我穿上時,由內褲至腰封都耐心地講解及教授正確穿法,真係吸收不少知職呀!

穿上後,我最大嘅感覺就係胸部提升了、胃腩同肚腩都細左少少,見到鏡中嘅自己,都有返少少自信心~
Picture

一向我都覺得穿功能內衣都係一件辛苦事,以往所穿嘅都不太舒服,不過著左依套之後,感覺良好多了。

其實我都有一刻衝動將成SET帶晒返屋企,不過真係好怕自己冇咁大恆心著咁耐,所以最後都只係帶走左MY BB.COM試用小隊所送俾我嘅禮物返屋企~
Picture

今個月內全線葆露絲都會有折扣優惠(一般貨品七折),俾多少少時間,等我考慮清左先…哈哈哈!

沒有留言:

發佈留言