2013年11月10日星期日

迪士尼粉絲體驗part 1 - 《魔雪奇緣》配音體驗

8 NOVEMBER 2013(FRI)

作為一個小小嘅迪士尼FANS,可以得到迪士尼公司嘅邀請參加出席活動,嗰一種興奮嘅心情真係難以形容。

今日係應電影部嘅邀請,參與迪士尼粉絲體驗,可以預先睇到聖誕上演嘅《魔雪奇緣》嘅片段及了解嚟緊幾年迪士尼電影介紹,同時亦可以參與嘗試為電影進行配音嘅工作,所以今日真係覺得好好玩呀~
Picture

今日我地去嗰一間錄音室都係負責進行迪士尼電影嘅配音工作,所以周圍都放左好多迪士尼電影嘅海報呀~
PicturePicture

今次活動邀請左迪士尼電影製片廠(香港) 總經理徐隆立先生(著西裝那位)為我地先介紹嚟緊上映嘅電影《魔雪奇緣》嘅簡單介紹,之後就同我地介紹嚟迪士尼電影嘅未來發展同埋將會上映嘅電影簡單資料~
Picture

其實迪士尼電影係我心目中印象就係大多數都係動畫(因為我最鐘意睇迪士尼動畫,基本上都有睇晒,所以就最留意)、又或者係一啲男性英雄片,不過原來我真係井底之蛙,因為原來迪士尼電話都真係好多元化,有唔同品牌製作唔同種類嘅片種。雖然有啲電影我都係有睇,不過都冇留意到係迪士尼出品或者發行,所以聽完徐先生講解,我都真係大開眼界呀!

其實徐先生席間都介紹左好多套嚟緊會推出嘅電影,睇左好幾套嘅片段,都真係好吸引,實在太豐富,所以留待我下一個POST再同大家續套介紹啦~
Picture

介紹完未來嘅電影後,我就就轉戰錄音室啦!

資深配音員MISS PAT,同我地介紹錄音控制室嘅運作~
Picture

之後就到入錄音室開始錄音啦~
Picture

MISS PAT好細心咁教我地一啲配音嘅初步技巧,我都好留心睇呀~
Picture

當然我地所配嘅都係一啲對白不長嘅路人甲乙,原來都要好有技巧,要有感情之餘亦都要睇住個時間嚟夾咀形,所以都好緊張,不過又真係幾好玩呀!

經過今次試配合,我真係發覺原來一個配音員嘅功力真係一啲都唔嘢少,有時候為一套動畫,都需要因應唔同嘅角色,以不同聲音及感情嚟配音,所以真係要俾大量支持各位配音員呀!

MISS PAT其實就係美女與野獸入面嘅BELLE,同埋迪士尼卡通嘅DAISY嚟呀~
Picture

今日真係對迪士尼電影及配音員嘅工作加深左好多認識,再一次多謝迪士尼公關嘅邀請,仲送左啲好靚嘅《魔雪奇緣》嘅精品俾我,真係好開心嘅一晚活動呀~
Picture

各位同我一樣都係迪士尼FANS嘅朋友,記得留意我下一個POST嘅分享,到時同大家介紹嚟緊幾年迪士尼電影,我自己都好期待,所以大家要留意啦!

沒有留言:

發佈留言