2013年12月10日星期二

結婚六周年活動

3 DECEMBER 2013(TUE)

話咁快就又到左結婚紀念日,唔覺唔覺原來都已經做左大肥豬太太六年啦!

由小小豬出世開始,我地成日都話帶埋小小豬一齊去慶祝,今年終於可以做到,三口子開開心心去慶祝啦~
Picture

今日行程雖然簡單,不過就好豐富!

首先大肥豬下午放假,陪我一齊去接小小豬放學, 之後就開始我地個慶祝活動啦!

大肥豬先帶我地重遊香港公園依個重要地方,因為我地就係依度註冊~
Picture

依張相係小小豬幫我地影,估唔到又影得幾好哦...哈哈哈~
Picture

之後我地見仲有時間,所以就帶小小豬去兒童樂園玩吓,不過因為天黑黑了,所以影唔到相呀~
Picture

我都係第一次去香港公園嘅兒童樂園玩,原來嗰度個樂園真係好大,分別有好幾層,唔同種類嘅玩樂設施。今日時間少少,都玩唔晒,搵日一定要帶小小豬再嚟玩過呀!

其中有一樣小小豬都都不知幾鐘意,就係依個約三層高嘅滑梯~
Picture

開頭我地都以為小小豬會好驚,唔肯玩,點知佢一見到開心都嚟唔切,來來回回都玩左唔知幾多次呀~
PicturePicture

夠鐘啦...我地去醫肚啦,大肥豬帶左我地去港島香格里拉酒店嘅Cafe Too食自助餐,依度我都係第一次,啲嘢食勁多種類,仲勁新鮮呀!(唯一就係貴左啲啲啦,不過大肥豬話又唔係成日食,所以豪一次啦)

依度都只係其中一部分好美嘅嘢食,仲有好多熱食我地放唔晒出嚟同大家分享呀~
PicturePicture
PicturePicturePicturePicturePicturePicturePicturePicture
PicturePicturePicturePicturePicturePicturePicturePicture
Picture

勁推介小籠包,真係十個好味,我依個小小籠包控同大肥豬加加埋埋食左十幾隻呀~
Picture

開餐啦~
PicturePicturePicturePicturePicturePicture

小小豬見我地成日行出去拎嘢食,佢又話要出去睇吓哦~

PicturePicturePicture

可能係臨近聖誕,所以場內小朋友可以有得去玩抽獎遊戲。唔係個個都有份,小小豬好叻仔抽到一份呀~
PicturePicturePicturePicture

之後就到小小豬至愛環節,就係去食雪糕,佢仲好叻叻咁自己ORDER呀~
PicturePicture

小小豬真係好為食,食唔停口呀~
PicturePicture
Picture

食完仲玩陣小禮物~
Picture
PicturePicturePicture

之後就再去食多次雪糕呀,平日都唔係成日有得食,見今日係重要日子,放縱一吓食兩杯啦~
PicturePicture

好明顯小小豬係唔滿意佢嗰杯係咁細啦~
Picture

最後嚟杯餐飲,就完成我地嘅自助餐之旅啦~
Picture

今日依個自助餐我真係食得勁多嘢,可以話係由頭食到尾,我自己都覺得我好利害呀!不過啲嘢食又真係好正,加上人又開心,所以真係唔覺唔覺食多左,又肥多幾磅啦!

最後係酒店下嘅聖誕樹影相,咁就完成我地周年結婚活動啦~
Picture

今日真係玩得勁開心,當然除左好節目之餘,小小豬係食自助餐時個表現又真係十分好又好合作,所以又係時候俾十個叻佢呀!

大肥豬仲話見小小豬依家出街食飯都係咁安靜又合作,所以話帶佢去多啲食自助餐添。

哈哈哈...係就好啦....因為我又有機會可以去玩玩玩食食食啦(最大得益者應該係我)!

沒有留言:

發佈留言