2013年12月18日星期三

圖畫班

12 DECEMBER 2013(THU)

由今日開始,每逢星期四小小豬放學之後有個新任務,就係去上圖畫班啦~
Picture

其實由N班開始,老師都有留意到小小豬唔太鐘意做手工,一啲需要痴貼嘅勞作都叫做好啲啲,不過當需要塗顏色時,依個百厭嘅小小豬都一定唔肯做,有時仲因為咁而發脾氣添。

聽完老師嘅意見之後,我地都有係屋企成日同小小豬做手工,希望可以做多啲等佢唔好咁抗拒。我地都用過好多唔同種類嘅辦法,又有獎又有罰咁,雖然都叫做有少少改善,不過始終都係未肯乖乖咁塗好一幅圖畫,有時就只係畫幾筆就話完成。

我地見小小豬都已經係K1,應該都大個仔可以自己去上堂,所以我同大肥豬傾過之後,都決定帶小小豬出去上堂,希望可以從第三者嘅教法,可以慢慢培養佢依方面興趣。

不過,原來圖畫班都有好多選擇,有平嘅又有貴嘅,最後我地都係屋企附近商場搵左間小興趣班,等小小豬簡簡單單咁學吓先,最好就係嗰個時刻都只係一對一教,應該咁係會幫到小小豬好多。

今日上完第一堂,老師出奇地讚小小豬乖,又話佢表現都幾好,仲整左個好靚嘅聖誕樹手工添(老師話大部分都係小小豬自己整,如果係真就好啦)~
Picture

雖然唔知小小豬上堂情況係點,不過睇佢個開心程度,加上又話好鐘意嚟上堂,我諗都應該幾啱小小豬。

希望上多幾堂之後,小小豬可以快啲培養做手工嘅興趣啦!

沒有留言:

發佈留言