2013年12月24日星期二

小小豬第一次表演

19 DECEMBER 2013(THU)

今日可以話係小小豬嘅大日子,因為佢咁大個仔第一次表演呀~
Picture

係小小豬PN班時都應該有機會表演一次,不過因為表演當日撞左去覆診,所以冇機會參與。

今次K1嘅聖誕表演就真真正正係小小豬嘅第一次,為左紀錄依一個咁重要嘅日子,所以我地叫埋小豬媽同LULU妹一齊去睇表演,其實係幫手拍低依個重要時刻。

你地都唔知,前幾日我大肥豬就已經開始好緊張,準備好晒佢啲器材,又大炮又DV,佢話要影低小小豬第一次表演呀!

今日當我送完小小豬入課室之後,其實我個心情都幾15/16,既擔心小小豬係台上攪攪陣影響其他同學仔,但又有一絲希望佢可以好好咁跳晒成隻舞,所以係觀眾席時我都幾不安呀!

終於等到小小豬嗰班表演,我地兵分兩路(真係好似好大陣像咁),我同LULU妹就係台前影學校為我地準備嘅攝影區影,小豬媽就同大肥豬係禮堂上層影,為求影低唔同角度嘅小小豬呀!

好啦....開始啦,大家見唔見到小小豬呢?咪就係第一隻小青蛙啦~
Picture

青蛙跳跳跳~
PicturePicture

哈哈哈...等我放條片俾大家睇吓小小豬成個表演過程啦!雖然係六分幾鐘,不過小小豬都好似NON-STOP咁不停跳,好攪笑呀~

睇完表演之後,我第一時間就走去抱實小小豬,因為見佢係台上跳舞真係忍"VV"忍得好辛苦,所以帶左佢去洗手間。其實另一個目的就係我真係好感動,邊抱小小豬去洗手間邊喊左出嚟。

因為當初老師同我講小小豬好抗拒唔肯跳,一聽到話排練時佢都唔肯一齊跳,到之後肯跳嘅時候就攪攪陣,佢個攪攪陣程度都令到老師曾經向我暗示........。不過我覺得向大家表演都係一個難得嘅機會,所以同老師講希望可以堅持到最後嗰一刻。

到左今日正式表演,真係完全冇諗過小小豬可以係台上跳晒成隻舞,又冇攪攪陣,仲可以係跳得咁好。

最重要就係跳緊嘅中途,見小小豬不停捉住"姑姑",我想佢當時都應該係好急"VV",不過小小豬都冇走開,亦都冇瀨到,堅持跳晒成隻舞,所以我真係勁感動, 小小豬真係大個仔啦!

表演完畢之後就返課室開派對,相信小豬媽嘅心情同我一樣,佢一見到小小豬就即刻陪住佢食大餐啦~
PicturePicture

有嘢食嘅小小豬就特別開心呀~Picture

食完豐富茶點就放學啦!我地亦同依隻咁可愛又叻叻嘅小青蛙影相呀~
PicturePicturePicture

雖然今日小小豬嘅表演可能仲有啲不足地方,不過佢今日依個表現係我地心目中都已經係EXCELLENT。

當初我仲好擔心會失禮,不過原來我個小小豬都可以做到,WE ARE PROUD OF U......KINSEY!

沒有留言:

發佈留言