2013年12月26日星期四

聖誕日遊海洋公園

25 DECEMBER 2013(WED)

之前都冇乜點PLAN聖誕節當日去邊,正當我仲諗去邊玩時,大肥豬就話難得今日天氣唔太凍又有太陽,我地張海洋公園全年証又可以入場,雖然都預左今日會好多人,去感受吓聖誕氣氛,所以就入海洋公園行一轉啦~
Picture

我冇預計錯誤,今日真係勁多人,除左好多內地人之後,原來今日有某銀行包左夜場,所以成個海洋公園都係人。不過,雖然係多人,我地又唔玩機動遊戲,加上都只係打算入嚟行吓,所以都唔影響我地。

一入場小小豬例必睇一陣噴水池~
Picture

路過聖誕樹下,原來有合唱團表演唱聖誕歌,所以我地去聽吓啦~
Picture

小小豬真係好鐘意聽歌,佢坐定定又好留心咁聽呀~
Picture

聽完歌就當然要係聖誕樹旁影相啦~
PicturePicture

不得不讚吓幫我地影相嗰位工作人員,佢好專業咁幫我地引小小豬,仲主動影左好幾張相,仲要係唔同角度,佢真係我搵咁多個影相嘅工作人員中最好嘅一個呀!

之後我地就搭火車上山,因為小小豬見完上次啲攡位遊戲之後成日都話好想再玩,所以今次我地又再玩啦!不過,其實啲攡位遊戲又真係幾貴,每一個GAMR都要$50,仲要唔易中,所以玩都有少少肉赤。大肥豬話今日係聖誕咪玩吓,話唔定可以中一個做聖誕禮物。

就係咁我地先嚟玩拋波波~
PicturePicture

再玩拍青蛙~
PicturePicturePicturePicture

當然...一向玩遊戲唔叻嘅我地係唔中禮物。不過,見小小豬玩得咁開心都OK啦!

我地就周圍行,影吓啲聖誕佈置啦~
PicturePicturePicture

原本都想去睇海獅表演,不過都實在太多人,都係唔排隊啦,留返下次唔係節日先入場去睇啦!

去搭纜車落返山啦~
PicturePicturePicture

例必玩吓賣生果同上電車~
PicturePicture

玩左一陣,我地就去醫肚,之後再去聖誕樹下聽合唱團唱歌呀!

最後一個活動,聖誕節當然係要同聖誕老人影相啦~
PicturePicture

原本想去睇嗰個聖誕馬戲SHOW,正當我地準備行去睇吓場次時,嗰位職員建議我地依家開始排隊,但當時離表演時間仲有成四十五分鐘。雖然都好想俾小小豬睇吓馬戲表演,不過要排咁耐又真係怕怕,所以最段我地都係冇睇到,同聖誕馬戲SHOW冇緣份了!

可能有包夜場關係,所以越晏越多人,所以我地都走啦!

下次入嚟再玩過啦!

沒有留言:

發佈留言