2013年12月9日星期一

攪笑仔仔煮麵記

2 DECEMBER 2013(MON)

依個百厭豬今日又有新攪作,係佢玩煮飯仔時已經不甘於煮佢啲假食物,去左入廚房拎麵條話煮麵我食,見到真係唔知好嬲定好笑呀~
Picture

開頭我都唔知仲做乜,係佢玩緊個小廚房時,突然間走左入廚房,之後係廚櫃拎一個麵條出嚟~
Picture

自從上次洗地事件之後,每逢小小豬有新奇舉動時,我地會放手等佢自由發揮一吓。今次當然都唔例外,我企埋一邊睇吓佢做乜啦~
Picture

小小豬話:先嚟切麵條~
PicturePicturePicture

小小豬又幾節制,只係用左兩條小麵條,佢話足夠啦~
Picture

開始煮麵啦~Picture

諗吓一碗麵要煮幾耐先~Picture

原來五分鐘就得啦~
Picture

煲吓佢先~
Picture

 好嘢....煮好啦~
Picture

雖然玩食物又係好似有小小浪費,不過我又覺得依兩條麵條都值得浪費,因為可以俾我知道小小豬又再大個仔左啲啲,學識嘅嘢又多左啦!

今日小小豬嘅表現,真係估佢唔到,小小豬又出奇地玩得好斯文,一條一條麵條咁拎出嚟,仲主動咁話兩條就足夠。

玩嘅時候又好認真同專心,同埋佢又真係好似好有文有路,真係好似係度煮緊麵咁,可能平日成日入廚房陪我煮嘢,所以觀察得到個程序啦!

其實我覺得小小豬個觀察同模仿力都幾強,好多時日常生活中我地都冇乜點教過佢嘅事/說話,佢突然間又會彈出嚟,有時都真係幾喜出望外,內心都有點點笑呀!不過,亦都因為咁,我地平日嘅言行舉止都一定要更加小心,做一個好旁樣,身教嘛!

除此之外,我覺得應該俾多啲機會小小豬自由發揮,自由創作,接解多啲唔同種類嘅事物,咁等佢自己從日常生活中學習,相信對小小豬都會有更大幫助。

沒有留言:

發佈留言